ءىىم قازاقستاندىقتاردان قانشا قارۋ تاركىلەنگەنىن حابارلادى

فوتو: ءىىم

ءىىم ۇيىمداسقان قىلمىسقا قارسى كۇرەس بولىنىستەرى تۇراقتى نەگىزدە قارۋ, وق-ءدارى مەن جارىلعىش زاتتاردى تابۋ جانە تاركىلەۋ جونىندەگى جۇمىس جۇرگىزىپ جاتىر, دەپ جازادى qandastar.kz

اعىمداعى جىلدىڭ باسىنان باستاپ جەدەل-ىزدەستىرۋ ءىس-شارالارىن جۇرگىزۋ بارىسىندا 20 اتىس جانە تراۆماتيكالىق قارۋ, ونىڭ ىشىندە 4-ءۋى قاڭتار وقيعاسى كەزىندە جوعالعان, سونداي-اق 6 گراناتا جانە 150-دەن استام ءارتۇرلى كاليبرلى وق-ءدارى تاركىلەندى. مىسالى, الماتى قالاسىنىڭ ۇيىمداسقان قىلمىسقا قارسى كۇرەس باسقارماسى تەرگەۋ يزولياتورىنىڭ قىزمەتكەرلەرىمەن بىرلەسىپ, تۇركسىب اۋدانىندا قارۋ جاسىرىلعان جەردى انىقتادى. 3 شولاق مىلتىق, 3 تاپانشا, 4 گراناتا, شامامەن 50 پاترون, سونىمەن قاتار قاڭتار وقيعاسى كەزىندە قارۋ-جاراق دۇكەنىنەن ۇرلانعان كارابين تاركىلەندى. تاراز قالاسىندا 2 شولاق مىلتىق جانە قاڭتار وقيعاسى كەزىندە ۇرلانعان جاۋىنگەرلىك اربالەت تابىلدى. اقتوبەدە 56 پاترونى بار توز ۆينتوۆكاسى مەن ف-1 گراناتاسى تاركىلەندى.

الماتى وبلىسىندا 2 قارۋ, رگد-5 گراناتاسى جانە كالاشنيكوۆ اۆتوماتىنىڭ 20 پاترونى, سونداي-اق قاڭتار وقيعاسى كەزىندە ۇرلانعان 2 ماكاروۆ تاپانشاسى تابىلدى. تالدىقورعان قالاسىندا جەرگىلىكتى تۇرعىننىڭ اۆتوكولىگىنەن 5 تراۆماتيكالىق تاپانشا تاركىلەندى.