ءىىم قازاقستاندىقتارعا ماڭىزدى ۇندەۋ جاسادى

فوتو: اشىق دەرەككوز

ءىىم ازاماتتاردى جىلىتۋ قۇرىلعىلارىن پايدالانۋ كەزىندە قاۋىپسىزدىك شارالارىن ساقتاۋعا شاقىرادى, دەپ جازادى qandastar.kz

جىلىتۋ ماۋسىمى باستالعاننان بەرى ەلىمىزدە پەش پەن ەلەكتر جىلىتقىشتارىن دۇرىس پايدالانباۋمەن بايلانىستى قايعىلى وقيعالار بولعان.

«قوستاناي وبلىسىندا ءبىر جاعدايدا بەس بالا, ەكىنشىسىندە ءتورت ادام قازا تاپتى, ونىڭ ۇشەۋى كامەلەتكە تولماعان. اقمولا وبلىسىندا ءۇش ادام قازا تاپتى, ونىڭ ەكەۋى بالالار. استانا قالاسىندا ءتورت بالا كوز جۇمدى. وسىعان وراي ازاماتتاردى قاۋىپسىزدىك شارالارىن قاتاڭ ساقتاۋعا شاقىرامىز. جىلىتۋ پەشىنىڭ جاعدايىن تەكسەرىڭىز. ەگەر قانداي دا ءبىر زاقىم نەمەسە اقاۋلار انىقتالسا, ولاردى دەرەۋ جويۋ ءۇشىن شارالار قولدانىڭىز», – دەلىنگەن حابارلامادا.

بالالاردى ۇيدە جالعىز قالدىرماڭىز.

«ەسىڭىزدە بولسىن, بالالار قاۋىپتى جاعدايدى دۇرىس باعالاي جانە تۋىنداعان ماسەلەلەردى ءوز بەتىنشە شەشە المايدى. ەلەكتر قۇرالدارىن قاراۋسىز قوسۋلى قالدىرماڭىز. ءتىپتى ولاردى از ۋاقىتقا باقىلاۋسىز قالدىرۋ ءورتتىڭ شىعۋىنا اكەپ سوعۋى مۇمكىن. سىزدەن جىلىتۋ قۇرىلعىلارىن پايدالانۋعا جانە ۇيىڭىزدە قاۋىپسىزدىكتى قامتاماسىز ەتۋگە جاۋاپكەرشىلىكپەن قاراۋدى سۇرايمىز. وزىڭىزگە جانە جاقىندارىڭىزعا ساق بولىڭىز!», – دەدى ءىىم اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا.