IIM qazaqstandyqtarǵa mańyzdy úndeý jasady

Foto: ashyq derekkóz

IIM azamattardy jylytý qurylǵylaryn paıdalaný kezinde qaýipsizdik sharalaryn saqtaýǵa shaqyrady, dep jazady qandastar.kz

Jylytý maýsymy bastalǵannan beri elimizde pesh pen elektr jylytqyshtaryn durys paıdalanbaýmen baılanysty qaıǵyly oqıǵalar bolǵan.

«Qostanaı oblysynda bir jaǵdaıda bes bala, ekinshisinde tórt adam qaza tapty, onyń úsheýi kámeletke tolmaǵan. Aqmola oblysynda úsh adam qaza tapty, onyń ekeýi balalar. Astana qalasynda tórt bala kóz jumdy. Osyǵan oraı azamattardy qaýipsizdik sharalaryn qatań saqtaýǵa shaqyramyz. Jylytý peshiniń jaǵdaıyn tekserińiz. Eger qandaı da bir zaqym nemese aqaýlar anyqtalsa, olardy dereý joıý úshin sharalar qoldanyńyz», – delingen habarlamada.

Balalardy úıde jalǵyz qaldyrmańyz.

«Esińizde bolsyn, balalar qaýipti jaǵdaıdy durys baǵalaı jáne týyndaǵan máselelerdi óz betinshe sheshe almaıdy. Elektr quraldaryn qaraýsyz qosýly qaldyrmańyz. Tipti olardy az ýaqytqa baqylaýsyz qaldyrý órttiń shyǵýyna ákep soǵýy múmkin. Sizden jylytý qurylǵylaryn paıdalanýǵa jáne úıińizde qaýipsizdikti qamtamasyz etýge jaýapkershilikpen qaraýdy suraımyz. О́zińizge jáne jaqyndaryńyzǵa saq bolyńyz!», – dedi IIM ákimshilik polıııa komıtetiniń erekshe tapsyrmalar jónindegi aǵa ınspektory Aqtoty Boranova.