ءىىم «قىلمىس الەمىنىڭ 27 بەدەلدىسىن» ۇستادى

فوتو: اشىق دەرەككوز

ىشكى ىستەر مينيسترلىگى قوعامدا زاڭ مەن ءتارتىپتى قامتاماسىز ەتۋ, قىلمىسقا قارسى كۇرەس جۇرگىزۋ باعىتىندا جۇيەلى جۇمىس ىستەۋدى جالعاستىرىپ جاتىر, دەپ حابارلايدى qandastar.kz Polisia.kz-كە سىلتەمە جاساپ.

ماسەلەن, سوڭعى ەكى جىلدا ۇيىمداسقان قىلمىستىق توپتاردى قۇرۋ, باسقارۋ جانە ولارعا قاتىسۋ فاكتىلەرى بويىنشا 120-دان استام قىلمىستىق ءىس تىركەلگەن, ونىڭ 13-ءى ترانسۇلتتىق قىلمىستىق توپتارعا قاتىستى بولعان. قىلمىستىق كودەكستىڭ ءارتۇرلى باپتارى بويىنشا 600-دەن استام قىلمىسكەر جاۋاپكەرشىلىككە تارتىلعان.

«حالىقارالىق ىزدەستىرۋدە بولعان ۇيىمداسقان قىلمىستىق توپتاردىڭ 27 مۇشەسى, ياعني «قىلمىس الەمىنىڭ بەدەلدىلەرى» ۇستالدى. جاقىن شەت ەلدەردەن كەلگەن التى «زاڭداعى ۇرىنىڭ» قازاقستان اۋماعىندا بولۋىنىڭ الدىن الىندى. بوپسالاۋ جانە باسقا دا اۋىر قىلمىستاردى جاساعان 160 قىلمىستىق توپتىڭ زاڭسىز ارەكەتى توقتاتىلدى. بوپسالاۋ فاكتىلەرى بويىنشا بارلىعى 1300-دەن استام قىلمىستىق ءىس قوزعالدى. ادام ساۋداسىنا بايلانىستى 400-دەن استام قىلمىس انىقتالدى», دەلىنگەن رەسمي دەرەكتەردە.