جاڭالىقتار
ءىىم تەز بايىعىسى كەلەتىن قازاقستاندىقتارعا ەسكەرتۋ جاسادى
ينۆەستيتسيا ارقىلى تەز بايۋ تۋرالى ۇسىنىستار ادامداردى قىزىقتىرىپ جاتادى. الاياقتار ازاماتتارعا «جوق ينۆەستيتسيالىق» جوبالارعا اقشا سالدىرىپ, قاراجاتتى جىمقىرادى. جىل باسىنان بەرى 700-دەن استام قازاقستاندىق وسىنداي سحەمانىڭ قۇربانى بولدى. وزدەرىنىڭ سوڭعى اقشاسىنان ايىرىلىپ, ءتىپتى, وسى ءۇشىن نەسيە راسىمدەگەندەر دە بار, – دەدى ول ءىىم-دە وتكەن بريفينگتە.
الەكەشەۆ بانكتەر مەن مەملەكەتتىك ورگاندار قىزمەتكەرلەرىنىڭ اتىنان جاسالاتىن تەلەفون قوڭىراۋلاردان اباي بولۋ كەرەگىن ايتادى.
الاياقتار جەكە دەرەكتەر مەن اقشاڭىزدى الۋ ءۇشىن بانكتەردىڭ, قۇقىق قورعاۋ ورگاندارىنىڭ نەمەسە باسقا مەملەكەتتىك ورگانداردىڭ قىزمەتكەرلەرىنىڭ اتىن جامىلىپ, قوڭىراۋ شالادى. بايلانىس وپەراتورلارىمەن بىرلەسىپ, مۇنداي قوڭىراۋلارعا توسقاۋىل قويۋدامىز. جالپى 49 ملن-نان استام قوڭىراۋ بۇعاتتالدى, – دەدى شىڭعىس الەكەشەۆ.
بۇعان دەيىن ءىىم رەسمي وكىلى قازاقستاندىقتاردىڭ ينتەرنەت-الاياقتىققا ءجيى الداناتىنىن ايتقان ەدى.
