Ilham Álıev Qazaq halqyna alǵysyn bildirdi

Foto: ashyq derekkóz

Ázerbaıjan prezıdenti Ilham Álıev Aqtaýda oryn alǵan qaıǵyly oqıǵa kezinde zardap shekkenderge jan-jaqty kómektesip, qoldaý kórsetken Qazaqstan halqyna sheksiz rızashylyǵyn bildirdi. Bul týraly minval.az habarlady, dep jazady qandastar.kz

«Olar óz ómirlerin qaterge tikti, sebebi kelesi jarylystyń bolatynyn nemese bolmaıtynyn bilmedi. Ushaqtyń bir bóligi órtenip jatty, ekinshi bóligi de janyp ketýi múmkin edi. Biraq soǵan qaramastan olar naǵyz erlik kórsetti. Bul rette medıına qyzmetkerleriniń eńbegi óte qundy boldy. Zardap shekken jolaýshylar dereý medıınalyq mekemelerge jetkizildi. Bul úshin men prezıdent Toqaevqa da rızashylyǵymdy bildirdim. Qazaq baýyrlarymyzdyń yntymaǵy, men biletindeı, ázirbaıjan halqynyń júreginde tereń iz qaldyrdy. Qarapaıym azamattar Aqtaýdaǵy elshiligimizge gúl shoqtaryn qoıyp, bizge degen kózqarastary men yntymaqtastyǵyn bildirdi. Mine, naǵyz dostyq pen baýyrlastyq.

Biz halyqaralyq saraptamany qoldaımyz jáne bul máseleni memleketaralyq avıaııalyq komıtettiń quzyryna bere almaımyz. Bul ustanym túsinistikpen qabyldandy. Árıne, bizdiń memlekettik organdardyń ókilderi, komıssııa músheleri men basshylary, prokýratýra ókilderi únemi baılanysta. Qazaqstan da óz kezeginde memlekettik komıssııa qurdy, bul týraly maǵan áńgime barysynda prezıdent Toqaev aıtty. Olar, árıne, qyzyǵýshylyq tanytyp, bolǵan oqıǵanyń barlyq mán-jaıyn anyqtaýǵa tyrysýda.

Osy rette men prezıdent Toqaevqa qaıǵyly oqıǵa saldarynan Qazaqstannyń alty azamaty qaza tapqanyna baılanysty kóńil aıttym. Ol da maǵan kóńil aıtty. Bul oqıǵa qanshalyqty qaıǵyly bolǵanymen, bul da bir synaq. Bul jaǵdaı ár taraptyń qalaı áreket etetini jónindegi synaq. Men osy qaıǵyly jaǵdaıǵa qaramastan, Qazaqstan da osyndaı pikirdi ustanatynyna senimdimin. Bizdiń dostyǵymyz ben baýyrlastyǵymyz osy aýyr synaqtan keıin kúsheıe tústi», –  dedi Ilham Álıev Ázerbaıjan telearnasyna bergen suhbatynda.