Ilon Mask Apple jáne OpenAI kompanııalaryn sotqa berip, mıllıardtaǵan dollar talap etti

Ilon Mask AI salasyndaǵy básekelestikke kedergi keltirgeni úshin Apple Inc. jáne OpenAI kompanııalaryn sotqa berdi, dep habarlaıdy Qandastar.kz Bloomberg basylymyna silteme jasap.

Kásipkerdiń X jáne xAI kompanııalary ótemaqy retinde mıllıardtaǵan dollar talap etip otyr.

«Apple-diń áreketi jasandy ıntellektiń (AI) damýyna jáne sýperqosymshalardyń paıda bolýyna kedergi jasap otyr. Bul jaǵdaı OpenAI-ǵa monopolııany saqtaýǵa múmkindik beredi. Al basqa kompanııalardyń jańa jobalary men ınvestıııalaryn tejeıdi. Mundaı chat-bottar bolashaqta iPhone-nyń negizgi fýnkııalaryn da almastyra alatyn ónimge aınalar edi», – delingen talap aryzda.

Mask aqshalaı ótemaqydan (naqty somasy kórsetilmegen) bólek, Apple men OpenAI-dyń mundaı yntymaqtastyǵyna tyıym salýdy talap etti. Aıfon óndirýshi kompanııa OpenAI-men ChatGPT-di Apple Intelligence júıesine iOS 18 arqyly biriktirý jónindegi kelisimin byltyr jarııalaǵan edi. OpenAI ókilderi muny «Mask tarapynan júrgizilip kele jatqan qýdalaý áreketiniń jalǵasy» dep atady.

Mask uzaq ýaqyttan beri kompanııa basshysy Sem Altmanmen janjaldasyp keledi. Ekeýi de 2015 jyly OpenAI-dyń negizin qalaýshylardyń qatarynda boldy. Alaıda kelispeýshilikterge baılanysty Mask úsh jyldan keıin dırektorlar keńesinen shyqty.

11 tamyzda Mask Twitter-de Apple-di «antımonopolııalyq zańnamany buzdy» dep aıyptap, kompanııa «OpenAI-dan basqa eshbir jasandy ıntellekt fırmasyna App Store-da birinshi orynǵa shyǵýǵa múmkindik bermeıdi» dep jazdy.

Al Altman oǵan jaýap retinde Mask «X platformasyn óziniń jáne kompanııalarynyń múddesi úshin paıdalanyp, ózine jaqpaıtyn básekelesterine jáne adamdarǵa zııan keltirip otyr» degen pikir bildirdi.