جاڭالىقتار
يليا يلين ماسكۇنەمدىكتەن وڭالتۋ ورتالىعىندا ەمدەلىپ جاتقان اۋىر اتلەت الماس وتەشەۆتىڭ جاعدايىن كورسەتتى (ۆيدەو)
فوتو: ۆيدەودان سكرينشوت
قازاقستاندىق زىلتەمىرشى يليا يلين ماسكۇنەمدىكتەن وڭالتۋ ورتالىعىندا ەمدەلىپ جاتقان ارىپتەسى, اۋىر اتلەت الماس وتەشەۆتىڭ جاعدايىن كورسەتتى. بۇل تۋرالى Stan.kz اقپارات اگەنتتىگى حابارلايدى.
اۋىر اتلەتيكادان الەمنىڭ 4 دۇركىن چەمپيونى يليا يلين ماسكۇنەمدىكتەن ەمدەلۋ ءۇشىن اۋرۋحاناعا جاتقىزعان ءوزىنىڭ كوماندالىق ارىپتەسى, جاقىن دوسى الماس وتەشوۆتىڭ قازىرگى جاعدايى تۋرالى مالىمدەمە جاسادى.
“ۋادە ەتكەنىمدەي, سىزدەرگە الماس دوسىمنىڭ قال-جاعدايىن كورسەتكەلى وتىرمىن. قازىر ونىڭ جاعدايى جاقسى. ول استاناداعى Soul Clinic وڭالتۋ ورتالىعىندا ەمدەلىپ جاتىر. ەندەشە, وسى قيىن جولدا ونىڭ ساۋىعىپ كەتۋىنە كۇش-قۋات تىلەيىك», – دەدى يلين.
ايتا كەتەيىك, بۇعان دەيىن ازيا چەمپيونى الماز وتەشوۆ «ۋاقىت كورسەتەدى» پودكاستىندا قيىن كەزەڭدەردى باستان وتكەرگەنىن ايتقان ەدى. ونىڭ قازىر كۇزەتشى بولىپ جۇمىس ىستەيتىنى بەلگىلى بولدى.
