يمام ءانشى اباي بەگەيدىڭ كامەلەت جاسقا تولماعان قىزىنىڭ نەكەسىن قيماعان – قمدب

فوتو: Instagram/abai_begei

قازاقستان مۇسىلماندارى ءدىني باسقارماسىنىڭ ماڭعىستاۋ وبلىسى بويىنشا وكىلدىگىنىڭ كامەلەتكە تولماعان قىزدىڭ نەكەسىنە قاتىستى تاراعان اقپاراتتارعا تۇسىنىكتەمە بەردى, دەپ حابارلايدى Qaz365.kz.

اقپاراتتى باسقارمانىڭ رەسمي وكىلى اعابەك قونارباي ۇلى تاراتتى. اقتاۋ قالاسىندا كامەلەت جاسقا تولماعان قىزدىڭ نەكەسىنە قاتىستى الەۋمەتتىك جەلىدە تاراعان اقپاراتقا قاتىستى قازاقستان مۇسىلماندارى ءدىني باسقارماسىنىڭ ماڭعىستاۋ وبلىسى بويىنشا وكىلدىگى تومەندەگىنى مالىمدەيدى:

«نەكە قيۋ ءراسىمى مەشىتتە بولماعانى انىقتالدى. مەشىت يمامدارى كامەلەت جاسقا تولماعان قىزدىڭ نەكەسىن قيماعان. مەشىتكە كەلىپ, قۇلشىلىق ءۇيىن ارالاۋعا, اۋلاسىندا سۋرەتكە تۇسۋگە شەكتەۋ قويىلمايدى. جاستاردىڭ مەشىتكە كەلىپ, ەستەلىككە سۋرەتكە تۇسكەنى بەلگىلى بولدى», – دەيدى ول.

قازاقستان مۇسىلماندارى ءدىني باسقارماسىنىڭ قابىلداعان «مەشىت يمامدارىنىڭ نەكە قيۋ ءتارتىبى» قۇجاتىنا سايكەس وتباسى قۇرعىسى كەلەتىن ازاماتتار اۋەلى احات ءبولىمى ارقىلى زاڭدى نەكەگە وتىرۋى ءتيىس. نيكە قيۋ راسىمىنە بولاشاق ەرلى-زايىپتىلاردىڭ اتا-اناسى نەمەسە ولاردىڭ زاڭدى وكىلدەرى قاتىسۋى مىندەتتى. ءدىني نەكەگە اتا-انالارىنىڭ نەمەسە زاڭدى وكىلدەرىنىڭ كەلىسىمى كەرەك. ولاي بولماعان جاعدايدا مەشىتتە ءدىني نەكە قيىلمايدى.

ەسكە سالا كەتەيىك, بۇعان دەيىن الەۋمەتتىك جەلىدە اباي بەگەيدىڭ توعىزىنشى سىنىپ بىتىرگەن قىزى كۇيەۋگە تيگەنى جايلى اقپارات تاراعان ەدى.