Jańalyqtar
«Imam bala qaǵyp óltirdi»: QMDB oqıǵaǵa qatysty jaýap berdi
Foto: ashyq derekkóz
Abaı oblysynda bala qaǵyp óltirgen ımam týraly QMDB jaýap berdi, dep habarlaıdy qandastar.kz Orda.kz-ke silteme jasap.
Oqys oqıǵa 14 qazan kúni saǵat 11:50 shamasynda bolǵan. Abaı oblysy Úrjar aýdany Úrjar aýyldyq meshitiniń ımamy Aqjigitov Qaıyrbek abaısyzda jeke kóligimen 11 jastaǵy qyzdy qaǵyp ketken. О́ziniń jáne kýágerlerdiń aıtýynsha, ımam kólik jyldamdyǵyn saǵatyna 40 km/saǵattan asyrmaǵan kórinedi.
Aldyn ala málimet boıynsha, qyz bala jol jıeginde ketip bara jatqanda ıttiń úrgeninen shoshyp jolǵa júgirip shyqqandyǵy aıtylyp jatyr. Sol sátte júrgizýshi Qaıyrbek ımam kólikti toqtatyp úlgermegen. Oqıǵa bolǵannan keıin ımam qyzdy aýrýhanaǵa jetkizgen. О́kinishke qaraı jas qyz aýyr jaraqattan ota ústinde qaıtys boldy.
«Oqıǵaǵa baılanysty tergeý jumystary júrgizilip jatyr. Qaıyrbek ımam 10 jyldan asa ýaqyttan beri Úrjar aýyldyq meshitinde qyzmet istep kele jatyr» delingen QMDB habarlamasynda.
Eske salaıyq, buǵan deıin Abaı oblysynda 44 jastaǵy ımam mektep oqýshysyn qaǵyp óltirgeni týraly habarlaǵan edik.
