جاڭالىقتار
يمامدى الاياقتار الداپ كەتكەن
فوتو: الەۋمەتتىك جەلىدەن
قاراعاندى وبلىسى نۇرا اۋدانىنا قاراستى اۋىلداردىڭ بىرىندەگى يمام رەسەيدەن ءدارى ساتىپ الامىن دەپ سان سوعىپ قالدى. ول پوليتسيانىڭ ءباسپاسوز قىزمەتىنە الاياقتارعا قالاي 1 ملن تەڭگە اۋدارىپ جىبەرگەنىن ءوز اۋزىمەن ايتىپ بەرگەن, دەپ حابارلايدى qandastar.kz
«2024 جىلدىڭ قازان ايىندا قاراعاندى وبلىسى نۇرا اۋدانىنا قاراستى اۋىلداردىڭ بىرىندەگى مەشىت يمامى الاياقتاردىڭ قۇربانى بولدى. قاسكويلەر جابىرلەنۋشىنى رەسەيلىك فارماتسەۆتيكالىق كومپانيادان ءدارى-دارمەككە تاپسىرىس بەرگەنى ءۇشىن وتەماقى الۋعا بولاتىنىنا سەندىرگەن.
ءسويتىپ, يمام 20 كۇن ىشىندە ولاردىڭ شوتىنا 1 ميلليون تەڭگەدەن استام قاراجاتتى ءوز ەركىمەن اۋدارعان. الاياقتاردىڭ الداۋىنا تۇسكەنىن تۇسىنگەن سوڭ, 2025 جىلدىڭ 13 قاڭتارىندا پوليتسياعا جۇگىنگەن», – دەپ حابارلايدى قاراعاندى وبلىسىنىڭ پوليتسيا دەپارتامەنتى.
