«Imandaı sendik»: Balǵynbek Imashevtyń ulynan joldama satyp alǵan taǵy 40 shaqty adam shý shyǵardy

Vıdeodan skrın

Aıtysker Balǵynbek Imashevtyń ulynan qajylyqqa joldama satyp aldyq degen taǵy 40 shaqty adam shý shyǵardy. Elimizdiń túkpir-túkpirinen kelgen azamattar aqshasyn da qaıtara almaı júr, dep jazdy qandastar.kz

Bul týraly Stan.kz aqparat agenttigi KTK arnasyna silteme jasap habarlaıdy.

Búgin Almatydaǵy zardap shegýshiler polıııa basqarmasyna baryp, tergeýdiń qalaı júrip jatqanyn bilýge tyrysty.

“19 sáýirde ushýym kerek edi, sol ýaqyttan beri eshqaıda ushqan joqpyz. Aqshamyz da qaıtarylmaı jatyr. Jumaǵa deıin degen, eń sońǵy ýádesi Qurban aıtqa deıin qaıtaramyz degen. Dırektory Imashev Danııar degen jigit”, – deıdi Berik Marjanov.

Árqaısysy joldamaǵa shamamen 500 myń teńgeden tólegen. Iaǵnı aıtyskerdiń uly olarǵa jalpy somasy 20 mıllıon teńge qaryz deıdi. Olarǵa Mekke men Mádınadaǵy úsh jáne tórt juldyzdy qonaq úıde turý ýáde etilgen.

San soǵyp qalǵandar kompanııany áleýmettik jeli arqyly tapqan. Balǵynbek Imashevtiń ózi jarnamalaǵan soń, «ımandaı sendik» deıdi. Al qazir ne ózi, ne uly baılanysqa shyqpaı otyr eken. Jýrnalıster qońyraý shalǵanda da aıtysker sol kúıi jaýap bermegen.

Eske salsaq, buǵan deıin dál osy kompanııaǵa aldanǵan 50-ge tarta adam jappaı polıııaǵa shaǵym túsirip, ile-shala Danııar Imashev alǵan qarajatyn qaıtaryp bergen. Bul joly da zardap shekkender polıııaǵa júginip, alaıaqtyq deregi boıynsha qylmystyq is qozǵalypty.

“Qylmystyq is júrgizý kodeksimen kózdelgen barlyq tergeý júrgizilip jatyr.  Saraptama zertteýler taǵaıyndaldy. Is materıaldary mindetti túrde sotqa joldanylady”, – deıdi Almaty qalasy polıııa departamentiniń resmı ókili Saltanat Ázirbek.

Eske salsaq, osyǵan deıin Aıtysker aqyn Balǵynbek Imashevtyń uly Danııar Imashev alaıaqtyq faktisi boıynsha tergeýgealynǵan edi.