يممۋنداۋ قاتەردى ازايتادى

بۇگىن الماتىدا ەۋروپالىق يممۋنداۋ اپتالىعى اياسىندا حالىقارالىق عىلىمي-تاجىريبەلىك كونفەرەنتسيا باستالدى.

جيىندا قازاقستاندا يممۋنداۋ بويىنشا كەڭەيتىلگەن باعدارلامانى جۇزەگە اسىرۋداعى جەتىستىكتەرى اتاپ ءوتىلدى. «ماسەلەن, ۆاكتسيناتسيالاۋدىڭ ارقاسىندا ەلىمىزدە 14 جاسقا دەيىنگى بالالار اراسىندا ەپاتيت ۆ جۇقپاسى, جەلشەشەك اۋرۋىنىڭ الدىن الۋعا قول جەتتى», — دەيدى ماماندار.

بيىل جاتىر موينى وبىرىنىڭ قوزدىرعىشى سانالاتىن ادام پاپيلوماسى ۆيرۋسىنا قارسى ۆاكتسينا ۇلتتىق ەگۋ كۇنتىزبەسىنە ەنگىزىلمەك. وكىنىشكە وراي, سوڭعى ۋاقىتتا ەلىمىزدە ەكپەدەن باس تارتۋ ءۇردىسى باسىم. سوندىقتان وسى باعىتتا ءتۇسىندىرۋ جۇمىستارى جۇرگىزىلۋدە. مانار سماعۇل, قر دسم «قوعامدىق دەنساۋلىق ساقتاۋ ۇلتتىق ورتالىعى» باسقارما ءتورايىمى: — بۇگىنگى كۇنى تاعى ءبىر قاۋىپتىڭ ءبىرى – ءوز ەركىمەن ۆاكتسيناتسيادان باس تارتۋ. ونىڭ اسەرىن ءبىز بىلتىرعى جىلى قىزىلشا اۋرۋىنىڭ ءوسۋى جانە بيىلعى جىلى كوكجوتەل اۋرۋىنىڭ ورشۋىنەن كورىپ وتىرمىز.

قازاقستان بويىنشا 2009 جىلداردان باستاپ كۇل اۋرۋى تىركەلمەي وتىر. بىراق تا مىناۋ يممۋنداۋدىڭ تومەندەۋى ارقىلى ول كۇل اۋرۋى تاعى دا قايتا ورالۋى مۇمكىن. سوعان نازار اۋدارۋىمىز قاجەت.