«يمپيچمەنت»: اقش-تىڭ بىرنەشە قالاسىندا ترامپقا قارسى نارازىلىق اكتسيالارى ءوتتى

فوتو: Deutche Welle

اقش-تاعى ۆاشينگتوندا, نيۋ-يوركتە, سان-فرانتسيسكودا جانە بىرنەشە قالاسىندا ترامپقا قارسى ميتينگتەر ءوتتى. بۇل تۋرالى Stan.kz اقپارات اگەنتتىگى حابارلايدى.

شەرۋشىلەر اق ءۇي باسشىسىنىڭ اۆتوريتارلىق باسقارۋ ءستيلى جانە زاڭسىز يمميگرانتتاردى ءتيىستى پروتسەدۋراسىز دەپورتاتسيالاعانىن ايىپتادى.

ۆاشينگتوندا جۇزدەگەن دەمونسترانت اق ءۇي الدىنا جينالدى. ولار «كورول جوق» جانە «ترامپقا يمپيچمەنت جاريالاۋ» دەگەن پلاكاتتار ۇستاپ شىقتى. نارازىلىق ءبىلدىرۋشى بەندجامين دۋگلاستىڭ ايتۋىنشا, بيلىك كسەنوفوبيانى ءورشىتۋ جانە بەلگىلەنگەن قۇقىقتىق كەپىلدىكتەرگە نۇقسان كەلتىرۋ ءۇشىن جەكە تۇلعالاردى پايدالانادى.

نيۋ-يوركتە جينالاتىن ورىن قوعامدىق كىتاپحانانىڭ الدىنداعى الاڭ بولدى. ولار ترامپتىڭ جاساپ جاتقانى ادولف گيتلەردىڭ بيلىككە كەلۋ كەزىن ەسكە تۇسىرەدى دەيدى.

سان-فرانتسيسكوداعى مۇحيت جاعاجايىنا جۇزدەگەن ادام جينالدى. ولار “IMPEACH + REMOVE” (يمپيچمەنت+الىپ تاستاۋ) دەگەن جازۋدى دەنەلەرىنە جازىپ العان. باسقا نارازىلىق بىلدىرۋشىلەر قايعى-قاسىرەتتىڭ ءداستۇرلى سيمۆولى – توڭكەرىلگەن امەريكالىق تۋدى ۇستادى.

سەنبى كۇنگى شەرۋلەردىڭ ۇيىمداستىرۋشىسى 50501 توبى بولدى, ياعني 50 شتاتتا 50 نارازىلىق جانە ءبىر قوزعالىس.

ەسكە سالساق, بۇعان دەيىن اقش-تا ترامپ پەن ماسكقا قارسى جاپپاي ميتينگءوتىپ جاتقانى ايتىلدى.