Indıra Elemes Arman Dúısenovtiń ulynyń qazasyna qatysty pikirin aıtty

Foto: ashyq derekkóz

Tanymal ánshi Indıra Elemes sazger Arman Dúısenovtiń ulynyń qazasyna qatysty pikirin aıtty. Talqyǵa túsken oqıǵalardan soń alǵash ret elitar.kz aqparattyq portalyna suhbat berdi. Ánshi baǵdarlamaǵa qatysýdan bas tartqan, tek uıalǵannan barǵanyn aıtady.

«Men negizinde, bir Alla kýá, barǵym kelgen joq ol jerge. Meniń stýdııamda úsh saǵattaı kútti. Men bara almaıtynymdy aıttym. Biraq úsh saǵat kútti… Sonymen, qaıtadan endi uıat boldy. «Arýaǵyn syılasańyz, kelesiz» degenge keltirdi. Sonymen, bardym. Barsam, shynymen de ózim ǵana boldym. Endi «uıat» degen nárse bar ǵoı. Uıalǵannan keıin bardym. Barǵanda da aqıqatyn aıttym. Men, ne jamandyq aıttym ol jaqta? Eshqandaı jaman nárse aıtqan joqpyn. Otbasyn jaqsy kóredi. Ol – ótirik emes. Ol – ras. Bilmeımin, túsinbeımin. Bir Alla ózi rettep qoıady. Men oǵan senemin. Eshteńeni de kóńilime almaımyn. Sebebi, men bilemin. Arym taza!», – deıdi Elemes.

Indıra Elemes bul jaǵdaıdan soń, arynyń taza ekenin jáne eshkimge eshqandaı zııan tıgizbegenin málimdedi. Ol áleýmettik jelidegi syn men aıyptaýlardan qatty jaralanǵanyn aıtty. Tipti, birneshe kún boıy kúızeliste bolǵanyn jetkizdi.

«Endi basyma tıip jatyr. Eshkimge qatty janym ashyp, tipti bir jaqsylyq jasap tastaýǵa bolmaıdy eken… Osy ýaqyt, osy jasqa deıin eshkimge kedergimdi tıgizgen joqpyn. Kerisinshe, jaqsylyǵymdy jasamasam, jamandyq jasap kórmegem», – deıdi ánshi.

Bul oqıǵaǵa qatysty pikirler ártúrli. Marqum Abylaı Armanulynyń óliminiń sebebi belgisiz. Indıra Elemes  aqıqattyń ashylatynyna senedi.

«Ol jaǵdaıdy men jiberdim. О́ıtkeni men bilemin. 100 paıyz. Meniń arym taza. Shynymen, Alla Taǵala ózi retteıdi. Onyń sebebi nede ekenin. 50/50 bolyp jatyr. Biraq osy jaqyn arada sebebi naqty aıtylady. Aıtylǵan kezde, sol jazǵan kóptegen pikirlerge, bilmeımin adamdar, sondaı zulym adamdar, qalaı sondaı nárse jazady. Úsh-tórt kún úıde jatyp qaldym. Biraq sosyn men ne úshin bylaı jatýym kerek dedim. Ne istep qoıdym degen sekildi. Aldaǵy ýaqytta tek qana…», – dedi ol.