«Intellektýaldyq bilimi joq»: Israıl Saparbaı Shahanov týraly pikirin aıtty

Foto:7-su.kz

Tanymal aqyn Israıl Saparbaı  «Soıqan suhbat» youtube-arnasyna suhbat berdi. Suhbatynda ol aqyn Muhtar Shahanov shyǵarmashylyǵy týraly oıyn aıtty dep jazdy inbusiness.kz .

«Ekeýmiz qurdaspyz. Ol kezinde Shámshimen, Tólegen Aıbergenov, Sabyrhan Asanovpen birge júrdi. Oqýǵa túsken kezimde ol men oqıtyn Shymkenttegi pedagogıkalyq ınstıtýtqa syrttaı oqýǵa qujat tapsyrdy. Baryp oqyǵan joq. Nege ekenin bilmeımin. Al men baryp oqydym. Ekeýi eki bólek nárse. Ol erte eseıdi. Biraq aqyn bolý úshin Alladan talant berilý kerek. Pedagogıkalyq ınstıtýttyń ózin 4-5 jyl oqyp bitirgen adammyn. Al ol syrttaı bitirdi. Bir kúni rektormen jınalysta Muhtar Shahanovtyń 25 pánnen qaryzy bar ekenin bildim. Oqýǵa tapsyrǵanymen eshqandaı sessııaǵa kelmegen. «Muhtar Shahanov birde bir sessııaǵa kelmedi, oqýdan shyǵaryp jibereıik» dedi rektor.  Sol kezde muǵalimder qorǵap, «erteńi bar azamat, bizge maqtanysh bolady» dep alyp qaldy. Ol kezde men mán bergen joqpyn.

Oqý bitirmese de dıplomdy oǵan ótirik berýi múmkin ekenin aıtqan aqyn ózi bilim alyp, oqyǵanyn jetkizdi. Sondaı-aq aqynnyń sózinshe, Shahanovtyń ıntellektýaldyq bilimi joq.

«Shahanovtyń ıntellektýaldyq bilimi joq. 1000 jerden talant bolǵanmenen, bilim kerek. Ol maǵan bilim jaǵynan teń kele almaıdy. Talaı ret kózim jetti. Men otyrǵan jerge Shahanov otyra almaıdy. Sebebi odan góri meniń bilimim myqty. Biraq men oǵan «senen bilimim myqty» dep aıta almaımyn, uıat bolady. Týa bitti aqyn bolǵanymen, ıntellektýaldyq bilim kerek aqynǵa», – dedi Israıl Saparbaı.