Qarjy jáne tólemder
Internet-alaıaqtar Aqtaý turǵyndaryn 90 mıllıon teńgege aldap túsirgen
Foto: ashyq derekkóz
Mańǵystaý oblysynyń prokýratýrasy asa iri kólemde alaıaqtyqty iske asyrýǵa járdemdesken tulǵany ustady. Ol Almaty turǵyny bolyp shyqty. Bul týraly óńirdiń qadaǵalaý organy málimdedi, dep habarlaıdy qandastar.kz
Quqyq qorǵaý organdary qylmysqa qatysy bar Almaty turǵynyn ustady. Kúdikti 2024 jyldyń qazan aıynda bank esep shottaryn alaıaqtarǵa usyný arqyly aýyr qylmystyń jasalýyna járdemdesken.
Osylaısha, olar Aqtaý qalasynyń turǵyndaryna 90 mln teńgeden astam múliktik zııan keltirilgen.
«Atalǵan fakti boıynsha QR QK-niń 190-baby 4-bóliginiń 2) tarmaǵymen sotqa deıingi tergep-tekserý bastaldy. Kúdikti tergeý sýdıasynyń sankııasymen qamaýǵa aldyndy. Tergeý áreketteri jalǵasýda», — dep túsindirdi oblys prokýratýrasy.
