جاڭالىقتار
ينتەرنەت-الاياقتارعا الدانعانداردىڭ نەسيەسى ەسەپتەن شىعادى
فوتو: اشىق دەرەككوز
جوعارعى سوتتىڭ حالىقارالىق كەڭەسى بانكتەر مەن ميكروكرەديتتىك ۇيىمدارعا ينتەرنەت-الاياقتارعا الدانعانداردىڭ نەسيەلەرىن ەسەپتەن شىعارۋ تۋرالى ۇسىنىس جاسادى, دەپ جازادى qandastar.kz
جوعارعى سوتتىڭ حالىقارالىق كەڭەسىنىڭ وتىرىسىندا سوت پروتسەستەرىنە جاساندى ينتەللەكتتى ەنگىزۋ جانە ينتەرنەت-الاياقتاردان زارداپ شەككەندەردىڭ مۇددەسىن قورعاۋ ماسەلەلەرى تالقىلاندى.
“نەسيەنى كليەنتتىڭ قاتىسۋىنسىز, الاياقتىق جولمەن بەرىلگەنى سوت اكتىسىمەن انىقتالعان كەزدە نەسيەلىك ۇيىمداردىڭ قارىزدى ەسەپتەن شىعارۋ بويىنشا زاڭدى تۇردە بەكىتىلگەن مىندەتتەمەسى جاعدايدى تۇبەگەيلى وزگەرتەدى. بۇل نورما نەسيەلىك ۇيىمداردى نەسيەلەردىڭ قاۋىپسىزدىك شارالارى ساقتاي وتىرىپ بەرىلۋىن قامتاماسىز ەتۋگە ىنتالاندىرۋى ءتيىس”, – دەيدى جوعارعى سوت.
سونداي-اق سۋديالار ينتەرنەت-الاياقتىققا قاتىستى قىلمىستاردىڭ كۇرت وسكەنىن اتاپ ءوتتى. 2023 جىلى قىلمىس سانى سانى وتكەن جىلمەن سالىستىرعاندا 270 پايىزعا ارتقان. قازاقستاندىقتار قىلمىسكەرلەردىڭ قىسىمىمەن نەسيە الىپ, كەيدە مۇلكىن ساتىپ جىبەرەدى. وسىلايشا الاياقتاردىڭ قۇربانى بولادى.
سونىمەن قاتار جوعارعى سوت الاياقتىق جولمەن الىنعان قاراجاتتى قايتارۋ تاجىريبەسىن ەنگىزدى.
