Internet-alaıaqtarǵa aldanǵandardyń nesıesi esepten shyǵady

Foto: ashyq derekkóz

Joǵarǵy sottyń halyqaralyq keńesi bankter men mıkrokredıttik uıymdarǵa ınternet-alaıaqtarǵa aldanǵandardyń nesıelerin esepten shyǵarý týraly usynys jasady, dep jazady qandastar.kz

Joǵarǵy sottyń halyqaralyq keńesiniń otyrysynda sot proesterine jasandy ıntellektti engizý jáne ınternet-alaıaqtardan zardap shekkenderdiń múddesin qorǵaý máseleleri talqylandy.

“Nesıeni klıenttiń qatysýynsyz, alaıaqtyq jolmen berilgeni sot aktisimen anyqtalǵan kezde nesıelik uıymdardyń qaryzdy esepten shyǵarý boıynsha zańdy túrde bekitilgen mindettemesi jaǵdaıdy túbegeıli ózgertedi. Bul norma nesıelik uıymdardy nesıelerdiń qaýipsizdik sharalary saqtaı otyryp berilýin qamtamasyz etýge yntalandyrýy tıis”, – deıdi Joǵarǵy sot.

Sondaı-aq sýdıalar ınternet-alaıaqtyqqa qatysty qylmystardyń kúrt óskenin atap ótti. 2023 jyly qylmys sany sany ótken jylmen salystyrǵanda 270 paıyzǵa artqan. Qazaqstandyqtar qylmyskerlerdiń qysymymen nesıe alyp, keıde múlkin satyp jiberedi. Osylaısha alaıaqtardyń qurbany bolady.

Sonymen qatar Joǵarǵy sot alaıaqtyq jolmen alynǵan qarajatty qaıtarý tájirıbesin engizdi.