جاڭالىقتار
ينتەرنەت الاياقتىق پەن قارجى پيراميدالارى رەتتەلەدى: توقاەۆ زاڭعا قول قويدى
زاڭ بايلانىس جەلىلەرىن تارتۋ, ازاماتتاردى توتەنشە جاعداي قاۋپى تۋرالى شۇعىل حاباردار ەتۋ, توتەنشە جاعداي ەنگىزۋ تەتىكتەرىن جەتىلدىرەدى. سونداي-اق ەۋرازيالىق ەكونوميكالىق وداق اياسىنداعى تاۋار تاسىمالىن قاداعالاۋ ءۇشىن كولىكتىڭ بارلىق تۇرىنە ناۆيگاتسيالىق پلومبالار ورناتۋ ءتارتىبىن ەنگىزەدى (قازىرگى كەزدە پلومبالار جۇك تاسىمالدايتىن اۆتوكولىكتەرگە ورناتىلادى).
«بۇل نورماتيۆتىك قۇجات باسقارۋ ورتالىعى قازاقستاننان تىسقارى جەردە ورنالاسقان بايلانىس جەلىلەرىنىڭ جۇمىسىن قامتاماسىز ەتۋ ءۇشىن ەلگە جابدىق اكەلۋگە تىيىم سالادى. سونىمەن قاتار زاڭدا انتيفرود-تەتىگى ەنگىزىلدى. ونىڭ اياسىندا ينتەرنەت-الاياقتىققا جانە قارجى ۇيىمدارىن زاڭعا قايشى ماقساتتاردا پايدالانۋعا قارسى شارا قولدانىلادى. بۇدان بولەك, دەنساۋلىق ساقتاۋ مينيسترلىگىنىڭ قىزمەتىن اۆتوماتتاندىرۋعا, سونىڭ ىشىندە دەنساۋلىق ساقتاۋ ۇيىمدارىمەن ءوزارا قارىم-قاتىناستى جولعا قويۋعا ارنالعان دەنساۋلىق ساقتاۋ ينتەگراتسيالىق پلاتفورماسىنىڭ جۇمىسىنا قاتىستى ماسەلەلەر رەتتەلدى», – دەلىنگەن رەسمي حابارلامادا.
