Internet arqyly esirtki taratqan: Batys Qazaqstanda qylmystyq top ustaldy

Batys Qazaqstan oblysynda ınternet jelisi arqyly esirtki jáne psıhotroptyq zattardy zańsyz taratýmen aınalysqan uıymdasqan qylmystyq toptyń joly kesildi, dep habarlaıdy Qandastar.kz aqparat portaly Polisia.kz-ke silteme jasap.

Oblystyq polıııa departamentiniń esirtki qylmysyna qarsy kúres basqarmasy ózge de polıııa bólimshelerimen birlesip júrgizgen arnaıy jedel-izdestirý is-sharalary nátıjesinde qylmystyq toptyń áreketin toqtatty.

Tergeý barysynda atalǵan toptyń jumysyn Almaty qalasynyń turǵyny uıymdastyrǵany anyqtaldy. Ol ınternet-dúkender qurý arqyly Batys Qazaqstan oblysy aýmaǵynda esirtkini taratý arnasyn jolǵa qoıǵan.

Jedel sharalar nátıjesinde qylmystyq toptyń tórt belsendi múshesi ustaldy. 27 jastaǵy almatylyq qalaaralyq kýrer retinde áreket etken. Jeke tintý kezinde onyń ústinen 145 oralǵan esirtki dozasy tárkilendi. 25 jastaǵy oraldyq azamat «operator-qoımashy» qyzmetin atqarǵan. Onyń páterinen mefedron, marıhýana, elektrondy tarazy jáne oraý materıaldary tabyldy. Taǵy eki oraldyq turǵyn «esirtki jasyrýshy» retinde tanylǵan. Olardyń qolynan 100 zip-paketke salynǵan daıyn esirtki tárkilendi, — delingen habarlamada.

Top uıymdastyrýshysyna QR QK 262-baby 1-bóligi boıynsha (uıymdasqan qylmystyq topty qurý jáne basqarý), qalǵan qatysýshylarǵa 262-baptyń 2-bóligi boıynsha (qylmystyq top quramynda áreket etý) qylmystyq is qozǵaldy.

Tergeý barysy oblystyq polıııa basshylyǵynyń tikeleı baqylaýynda. Aldyn alý sharasy nátıjesinde shamamen 1000 bir rettik dozanyń zańsyz aınalymǵa túsýine jol berilmedi.

Qazirgi tańda uıymdasqan toptyń ózge de múshelerin anyqtaý jáne olardy jaýapkershilikke tartý baǵytynda tergeý amaldary jalǵasýda.