Interpol izdeýinde júrgen Mońǵolııa azamaty Almaty áýejaıynda ustaldy

Foto: polisia.kz

Almaty qalasynyń halyqaralyq áýejaıynda Interpoldyń suraýymen Mońǵolııa azamaty ustaldy, dep habarlaıdy Ulysmedia.kz.

Ol uıymdasqan qylmystyq topqa qatysqany, qujattardy qoldan jasaǵany jáne salyq, kedendik tólemder men alymdardy tólemeý maqsatynda kontrabandaǵa barǵany úshin Polshanyń quqyq qorǵaý organdarymen izdeýge jarııalanǵan.

Qylmystyq toptyń quramynda bolǵan jáne jalǵan mońǵol dıplomatııalyq qujattaryn qoldanǵan er adam Polshaǵa 1,7 mln býmadan astam temekini zańsyz tasymaldaǵan. Kedendik alymdardan jaltarǵan.

Osylaısha, bul memleketke shamamen 50 000 AQSh dollary kóleminde shyǵyn keltirgen. Ustalǵan adam qamaýǵa alyndy.