«Intımdi mán-jaılar bar»: Sáken Mamashtyń áıeli sottyń ashyq ótýine qarsy

Astanada Qazaqstannyń Birikken Arab Ámirlikterindegi elshiliginiń burynǵy keńesshisi Sáken Mamashqa qatysty sot proesi bastaldy, dep habarlaıdy Qandastar.kz aqparat portaly. Jábirlenýshi, dıplomattyń áıeli Karına Mamash sot proesin jabyq rejımde ótkizýdi surady.

– Meniń jeke ómirim egjeı-tegjeıli jarııa bolǵanyn qalamaımyn. Eki balamyz bar, olardyń psıhologııasyna alańdaımyn, – dedi jábirlenýshi Karına Mamash.

Aıptalýshyny sot zalyna konvoı qyzmetkerleri alyp keldi. Sot otyrysyna jábirlenýshi retinde onyń jubaıy Karına Mamash kelip, qara tústi, úlken kúnnen qorǵaıtyn kózildirik taǵyp alǵan.

Memlekettik aıyptaýshy Jáńgir Sadvakasov sottyń ashyq túrde ótýine qarsylyq bildirmedi. Alaıda jábirlenýshi taraptyń ókilderi men Karına Mamash proessti jabyq ótkizý týraly ótinish bildirdi. Ol ıntımdik sıpattaǵy málimetterdiń jarııa bolýyn qalamaıtynyn jetkizdi.

О́z kezeginde aıyptalýshy Sáken Mamash sottyń ashyq ótýin qoldaıtynyn aıtty. Onyń sózinshe, bul is boıynsha jasyryn eshteńe joq.

Máseleni tyńdaǵan Astana qalasy boıynsha qylmystyq ister jónindegi mamandandyrylǵan aýdanaralyq sotynyń sýdıasy Artýr Abdyhanov proessti jabyq túrde ótkizý týraly sheshim qabyldady. Sonymen qatar, sot proesinde tek Sáken Mamashtan basqa qatysýshylardy beıne jáne fototúsirilimge túsirýge ruqsat berildi. Aıta keteıik, úkim jarııa túrde oqylady.