Ipoteka men nesıe alý qıyndaýy múmkin

Foto: ashyq derekkóz

Qazaqstandyqtar úshin 2026 jyldan bastap nesıe jáne ıpoteka alý proesi kúrdelene túsýi múmkin, dep habarlaıdy qandastar.kz

Qarjy naryǵyn retteý jáne damytý agenttigi qazirgi ýaqytta osyǵan qatysty zań jobasyn ázirlep jatyr. Jańa talaptar boıynsha, qazaqstandyqtar ıpoteka nemese kredıt alý úshin bankke júginer aldynda birneshe mańyzdy krıterııge sáıkes kelýi tıis.

Endi eger siz úı alýdy nemese kólik satyp alýdy josparlap otyrsańyz, bankterdiń qatań talaptaryna daıyn bolý kerek. Eger tómende atalǵan sharttardyń birine saı kelmeseńiz, siz «táýekeli joǵary» nemese qyzyl topqa jatqyzylasyz, bul degenimiz – nesıe alý múmkindigi aıtarlyqtaı tómendeıdi. Atap aıtqanda, eger:

• Kredıttik tarıhyńyz 3 jyldan az bolsa; • Sońǵy 12 aı ishinde nesıe tólemderińiz 30 kúnnen astam ýaqytqa keshiktirilgen nemese 3 AEK (11796 teńge) jáne odan kóp somaǵa keshigý bolǵan bolsa; • Bir mezette 3 nemese odan kóp qarjy uıymynan nesıe alǵan bolsańyz; • Qaryz júktemesi aılyq tabysyńyzdyń 45%-ynan kóp bolsa; • Kirisińizdi rastaı almaıtyn bolsańyz (mysaly, beıresmı jumys isteıtinder úshin); • Kredıttik tarıhyńyz teris bolǵan jaǵdaıda, sizge nesıe berilmeýi múmkin.

Eger siz «joǵary táýekeldi» dep tanylsańyz, bank nesıe bermes buryn defolt táýekelin esepteıdi, ıaǵnı qaryzdy qaıtarý yqtımaldyǵy qanshalyqty joǵary ekenin baǵalaıdy. Eger defolt táýekeliniń yqtımaldyǵy 5%-dan joǵary bolsa, bank sizdi qatań baqylaýǵa alýy qajet bolady.

Bul jańa talaptar qazaqstandyqtar úshin kelesi ózgeristerdi bildiredi: • Beıresmı jumys isteıtinder nemese tabysyn rastaı almaıtyndar úshin nesıe alý qıyn bolady; • Eger tólemderińizdi birneshe kún keshiktirseńiz, bul kelesi joly nesıe alýyńyzdy qıyndatýy múmkin; • Birneshe bankten nesıe alǵandar da táýekel tobyna enýi múmkin; • Bank sizge nesıe bergennen keıin, turaqty baqylaý júrgizýi múmkin, bul bolashaqta jańa nesıe alýǵa kedergi keltirýi yqtımal; • Bankter salyq deklaraııalaryn tekserip, býhgalterlik jáne salyq esepterindegi sáıkessizdikterdi anyqtaıdy. Eger negizgi qarjylyq kórsetkishter arasyndaǵy aıyrmashylyq 30%-dan assa, bul da eskeriletin bolady.

Bul ózgerister, árıne, ıpoteka alý úderisin ashyq etedi, biraq bir ýaqytta qaǵazbastylyqty kóbeıtedi. Bankterdiń táýekelderdi azaıtýǵa baǵyttalǵan áreketteri jańa bastaǵan kásipkerler, ózin-ózi jumyspen qamtyǵandar jáne tabysyn dáleldeı almaıtyn adamdar úshin qıyndyq týǵyzýy múmkin.