الەم جاڭالىقتارى
يراكتا 9 جاستاعى قىزداردىڭ نەكەگە تۇرۋىنا رۇقسات بەرىلمەك
فوتو: Depositphotos.com
يراكتا بالالار نەكەسىن زاڭداستىردى, ەندى قىزداردىڭ 9 جاستان باستاپ نەكەلەسۋىنە رۇقسات بەرىلمەك, دەپ qandastar.kz اقپارات پورتالى informburo-عا سىلتەمە جاساپ حابارلايدى.
CNN مالىمەتىنشە, يراكتا نەكەگە تۇرۋ ءۇشىن رەسمي تىركەۋدىڭ قاجەتى جوق. نەكەنى اتا-انا رۇقساتىمەن ءدىن قىزمەتكەرلەرى قيادى. بۇعان ەلدەگى 1959 جىلدان باستاپ جۇمىس ىستەيتىن «جەكە ستاتۋس تۋرالى» زاڭ رۇقسات ەتەدى.
ەندى وسى زاڭعا ءدىني سوتتارعا نەكە قيا, اجىراسۋ, مۇرا ءبولۋ ماسەلەلەرى بويىنشا شەشىم قابىلداۋ قۇقىعىن بەرە وتىرىپ, وزگەرىستەر ەنگىزۋ جوسپارلانىپ وتىر. ونىڭ اياسىندا الەم قۇقىق قورعاۋشىلارى تاراپىنان سىنعا ۇشىراعانى – قىزداردىڭ نەكەگە تۇرۋ جاسىن 9-عا دەيىن تومەندەتۋ بابى.
بۇۇ مالىمەتىنشە, قازىردىڭ وزىندە يراك قىزدارىنىڭ 28 پايىزى كامەلەت جاسىنا تولماي كۇيەۋگە شىعادى. قۇقىق قورعاۋشىلار وزگەرىس قىزداردىڭ بالالىق شاققا دەگەن قۇقىعىن شەكتەيدى.
