Irakta 9 jastaǵy qyzdardyń nekege turýyna ruqsat berilmek

Foto: Depositphotos.com

Irakta balalar nekesin zańdastyrdy, endi qyzdardyń 9 jastan bastap nekelesýine ruqsat berilmek, dep qandastar.kz   aqparat portaly informburo-ǵa silteme jasap habarlaıdy.

CNN málimetinshe, Irakta nekege turý úshin resmı tirkeýdiń qajeti joq. Nekeni ata-ana ruqsatymen din qyzmetkerleri qııady. Buǵan eldegi 1959 jyldan bastap jumys isteıtin «Jeke statýs týraly» zań ruqsat etedi.

Endi osy zańǵa dinı sottarǵa neke qııa, ajyrasý, mura bólý máseleleri boıynsha sheshim qabyldaý quqyǵyn bere otyryp, ózgerister engizý josparlanyp otyr. Onyń aıasynda álem quqyq qorǵaýshylary tarapynan synǵa ushyraǵany – qyzdardyń nekege turý jasyn 9-ǵa deıin tómendetý baby.

BUU málimetinshe, qazirdiń ózinde Irak qyzdarynyń 28 paıyzy kámelet jasyna tolmaı kúıeýge shyǵady. Quqyq qorǵaýshylar ózgeris qyzdardyń balalyq shaqqa degen quqyǵyn shekteıdi.