Iran Izraılge taǵy da zymyran ushyrdy

Iran dúısenbige qaraǵan túni Izraılge taǵy da zymyran ushyrdy, dep habarlaıdy Qandastar.kz aqparat agenttigi VVS-ge silteme jasap.

Izraıldiń Magen David Adom jedel járdem qyzmeti osy ýaqytqa deıin birneshe jeńil jaraqat alǵan adam týraly málimet alǵanyn habarlaıdy, al Jerusalem Post gazetiniń jazýynsha, 35 adam jaraqat alǵan, onyń ishinde aýyr jaralanǵan 10 jasar bala bar.

Izraıldiń О́rt sóndirý jáne qutqarý qyzmeti eldiń ortalyq bóliginde birneshe órt bolǵanyn habarlady.

Izraıl baspasóziniń habarlaýynsha, jarylystardyń dybysy eldiń ortalyǵyndaǵy túrli aımaqtarda estilgen.

Irannyń memlekettik baspasózi shabýyldyń Haıfada bolǵanyn málimdedi, Izraıl tarapy da Haıfada jarylys bolǵanyn rastady, biraq onyń saldary týraly áli senimdi aqparat joq.

Qazirgi kezde Izraılde dabyl toqtady.