يران سوققىدان كەيىن دە ۋران بايىتۋدى توقتاتپايتىنىن مالىمدەدى

فوتو: Deccan Herald’s official X account

يراننىڭ اتوم ەنەرگەتيكاسى جونىندەگى اگەنتتىگى اقش-تىڭ ناتانز جانە فوردو قالالارىنداعى زاۋىتتارعا جاساعان شابۋىلىنا قاراماستان, ەلدىڭ ۋران بايىتۋ باعدارلاماسى توقتاتىلمايتىنىن مالىمدەدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

Reuters اگەنتتىگى كەلتىرگەن مالىمدەمەدە يران «ەلدىڭ وندىرىستىك دامۋى» توقتامايدى, دەپ ناقتى ايتىلعان. بۇل تۇستا يادرولىق ينفراقۇرىلىم مەڭزەلىپ وتىر.

“اقش-تىڭ ارەكەتتەرىن حالىقارالىق قۇقىق پەن يادرولىق قارۋدى تاراتپاۋ تۋرالى شارتتىڭ ورەسكەل بۇزىلۋى دەپ اتايمىز. ماعاتە ۇيىمىن ۇنسىزدىك پەن ارەكەتسىزدىك تانىتتى دەپ ايىپتايمىز”, – دەدى اگەنتتىك.

ەسكە سالايىق, بۇعان دەيىن اقش پرەزيدەنتى دونالد ترامپ يراننىڭ يادرولىق نىساندارىنا سوققى جاساعانىنمالىمدەگەن ەدى.

«يراننىڭ ءۇش يادرولىق نىسانىنا ءساتتى سوققى جاسادىق, ولاردىڭ قاتارىندا فوردو, ناتانزۋ مەن يسفاحان بار. تولىققاندى سوققى باستى نىسان – فوردوعا جاسالدى. بەدەلدى امەريكالىق ساربازدارىمىزدى قۇتتىقتايمىن. الەمدە مۇنى ىستەي الاتىن اسكەر جوق», – دەپ جازدى ول.