Iran soqqydan keıin de ýran baıytýdy toqtatpaıtynyn málimdedi

Foto: Deccan Herald’s official X account

Irannyń Atom energetıkasy jónindegi agenttigi AQSh-tyń Natanz jáne Fordo qalalaryndaǵy zaýyttarǵa jasaǵan shabýylyna qaramastan, eldiń ýran baıytý baǵdarlamasy toqtatylmaıtynyn málimdedi, dep jazdy qandastar.kz

Bul týraly Stan.kz aqparat agenttigi habarlaıdy.

Reuters agenttigi keltirgen málimdemede Iran «eldiń óndiristik damýy» toqtamaıdy, dep naqty aıtylǵan. Bul tusta ıadrolyq ınfraqurylym meńzelip otyr.

“AQSh-tyń áreketterin halyqaralyq quqyq pen Iadrolyq qarýdy taratpaý týraly sharttyń óreskel buzylýy dep ataımyz. MAǴATE uıymyn únsizdik pen áreketsizdik tanytty dep aıyptaımyz”, – dedi Agenttik.

Eske salaıyq, buǵan deıin AQSh prezıdenti Donald Tramp Irannyń ıadrolyq nysandaryna soqqy jasaǵanynmálimdegen edi.

«Irannyń úsh ıadrolyq nysanyna sátti soqqy jasadyq, olardyń qatarynda Fordo, Natanzý men Isfahan bar. Tolyqqandy soqqy basty nysan – Fordoǵa jasaldy. Bedeldi amerıkalyq sarbazdarymyzdy quttyqtaımyn. Álemde muny isteı alatyn ásker joq», – dep jazdy ol.