Iran ıadrolyq baǵdarlamaǵa qatysty «eýroúshtikpen» kelissóz júrgizýge kelisti

Iran, Ulybrıtanııa, Franııa jáne Germanııa 25 shilde kúni Ystambulda Irannyń ıadrolyq baǵdarlamasyna qatysty kelissózder ótkizedi, dep jazdy Qandastar.kz.

Stan.kz aqparat agenttigi habarlaǵandaı, buǵan deıin úsh eýropalyq memleket Tegeranǵa kelissózderdi qaıta bastamasa, Iranǵa qarsy halyqaralyq sankııalar qaıta engiziletinin eskertken edi.

Buǵan deıin Ulybrıtanııa, Franııa, Germanııanyń syrtqy ister mınıstrleri jáne Eýropalyq odaqtyń syrtqy saıasat jáne qaýipsizdik jónindegi joǵarǵy ókili Irannyń syrtqy ister mınıstri Abbas Arakchımen telefon arqyly sóılesken.

2015 jyly jasalǵan ıadrolyq kelisimniń qalǵan qatysýshylary – úsh eýropalyq el, ıaǵnı, Ulybrıtanııa, Franııa, Germanııa, sondaı-aq Qytaı men Reseı. Bul kelisimge sáıkes, Iran óz ıadrolyq baǵdarlamasyna shekteýler engizý esebinen, oǵan salynǵan sankııalardan bosatylǵan edi. Alaıda AQSh 2018 jyly bul quramnan shyǵyp ketti.

Eýroúshtik eger Iran men AQSh arasyndaǵy, Izraıl men Iran arasyndaǵy áýe soǵysyna deıin júrgizilgen ıadrolyq kelissózder qaıta jandanbasa nemese aıtarlyqtaı nátıje bermese, onda BUU sankııalaryn “qaıtarý mehanızmi” arqyly tamyz aıynyń sońyna deıin qaıta engizetinin málimdedi.

“Eger EO nemese eýroúshtik óz rólin atqarǵysy kelse, olar jaýapkershilikpen áreket etip, qoqan-loqy men qysym kórsetý saıasatynan, onyń ishinde “qaıtarymdy sharalardan” bas tartýy kerek. О́ıtkeni bul áreketterdiń eshqandaı moraldyq ta, zańdyq ta negizi joq», — dep jaýap berdi Arakchı.

Izraıl men Iran arasyndaǵy soǵys bastalǵanǵa deıin Tegeran men Vashıngton Omannyń deldaldyǵymen bes raýndtyq ıadrolyq kelissóz júrgizgen edi. Alaıda olar birqatar kedergilerge tap boldy. Sonyń biri — Irandaǵy ýrandy baıytý isi. Batys derjavalary bul proesti múlde toqtatýdy talap etip otyr, sebebi bul Irannyń ıadrolyq qarý jasap shyǵarý qaýpin meılinshe azaıtýǵa baǵyttalǵan.