جاڭالىقتار
يراندا حيدجابقا قارسىلىعىن بىلدىرگەن بويجەتكەن جىندىحاناعا ءماجبۇرلى تۇردە جاتقىزىلدى
فوتو: ينستاگرام
حيدجاب كيۋگە نارازىلىق بىلدىرگەن يراندىق ستۋدەنت احۋ دارياي پسيحياتريالىق اۋرۋحاناعا ماجبۇرلەپ ەمدەلۋگە جاتقىزىلدى. بۇل تۋرالى qandastar.kz اقپارات اگەنتتىگى IranWire باسىلىمىنا سىلتەمە جاساپ حابارلايدى.
بۇل اقپاراتتى يران عىلىم ءمينيسترى حوسسەين سيماي سارراف جەتكىزدى.
«قازىر دارياي ءوز وتباسىنىڭ قولداۋىمەن ەمدەلۋدە», – دەدى شەنەۋنىك.
الايدا تاۋەلسىز دەرەككوزدەردىڭ مالىمەتتىنشە, بۇرىن ستۋدەنتتە ەشقانداي پسيحيكالىق ماسەلەلەر بولعان ەمەس. قۇقىق قورعاۋشىلاردىڭ ايتۋىنشا قىزدى كۇشتى ءدارى-دارمەكتەرمەن ەمدەمەك.
ەسكە سالساق, بۇعان دەيىن يراندا حيدجابقا قارسىلىعىن ءبىلدىرىپ, كوشەدە جالاڭاش جۇرگەن قىزدىڭ ۇستالعانى تۋرالى حابارلاعان ەدىك.
