الەم جاڭالىقتارى
يراندا جويقىن جارىلىستان 40-قا جۋىق ادام قازا تاپتى
فوتو: m24.ru
يراندا جويقىن جارىلىستان 40-قا جۋىق ادام قازا تاپتى, دەپ جازدى qandastar.kz
قايعىلى جاعداي ەلدىڭ وڭتۇستىگىندەگى شاحيد-رادجاي پورتىندا بولعان. زارداپ شەككەندەر سانى 1200-دەن استى. ءىز-ءتۇسسىز جوعالعاندار دا بار. يراندا جالپىۇلتتىق ازا تۇتۋ كۇنى جاريالاندى. ەل پرەزيدەنتى ماسۋد پەزەشكيان شۇعىل تۇردە تۇردە اپات بولعان ايماققا جەتىپ, قۇتقارۋ جۇمىستارى جايلى حابار الدى. جەرگىلىكتى باق-تىڭ دەرەگىنشە, قۋاتتى جارىلىستان سول ماڭايداعى كولىكتەر تۇگەل كۇلگە اينالعان. ءورتتىڭ شىعۋىنا پورتتاعى قاۋىپتى حيميالىق زاتتاردىڭ تۇتانۋى سەبەپ بولعان.
atamekenbusiness_qaz حابارلاعانداي, ازىرگە, بۇل تەك بولجام عانا. كەي دەرەك كوزدەرىندە, قويمادا ناتري پەرحلوراتى تۇرعان كونتەينەر جارىلعانى ايتىلادى. بۇل زىمىران وتىنىن جاساۋ ءۇشىن قولدانىلاتىن حيميالىق كومپونەنت. پورتتاعى الاپ ءورتتى ءسوندىرۋ ازىرگە مۇمكىن بولماي تۇر. قازىر ايماقتا توتەنشە جاعداي جاريالاندى.
