Irandaǵy qazaq qyzy Qazaqstanda týǵan elindegideı sezinbeıtinin aıtty

Foto: ashyq derekkóz

Iranda týyp, sonda ósken qandasymyz qazaq jurtyna ókpeli ekenin aıtyp, muńyn shaqty. Bul týraly ol Temirlan Muqashevtyń “Iran qazaqtary” baǵdarlamasynda aıtty, dep habarlaıdy qandastar.kz

Qandasymyzdyń aıtýynsha, ol ózin ne Qazaqstanda, ne Iranda qazaq retinde sezine almaǵan.

“Basty problema — sen ózińdi eshqaıda jatpaıtyn adam sııaqty sezinesiń. О́ıtkeni, kelbetińe baılanysty Irandaǵy bet-álpetiń, ózińdi parsy halqynyń bir bóligi emes sııaqty sezinesiń. Bul sezim Qazaqstanǵa barǵanda joǵalady ma dep oıladym. Ol jaqqa eki ret barǵanmyn. Biraq Qazaqstanǵa barǵanda da ózińdi qazaq retinde sezinbeısiń. О́ıtkeni qazaqtardyń kóbi oryssha sóıleıdi jáne olardy túsinbeısiń. Osylaısha tereń túpki sanańda ózińdi eshbir jerge jatpaıtyn adam retinde sezinesiń. Sonda sen ne ırandyq qazaq, ne kádimgi qazaq emessiń. Eshbir jerge tıesili emessiń. Kishkentaıymda atamnyń áke-sheshesin jek kóretinmin. О́ıtkeni olar osynda kóship kelgen. Bilesiń be, ıran qazaǵy bolyp týylýymnyń yqtımaldyǵy sonshalyqty tómen… Osydan oılaımyn, nege men…? Nege men Iranda týylýym kerek boldym? Iran qazaǵy bolyp týylýdyń yqtımaldyǵy sonshalyqty tómen… Shamamen 0.00001%. Bul meniń jynyma tıedi. Únemi ózime suraq qoıamyn. Nege men? Nege biz Iranda týyldyq? Nege biz basqalardan erekshemiz?”, — deıdi ol kózine jas alyp.

Pikir jazǵan jeli qoldanýshylarynyń sózine sensek, bundaı sezim tarıhı otanynan bólek jerde týyp-ósken barlyq adamda bolady.

”Bul — ras, shette týǵan qazaqtar elge kelgenimen, ózderin tolyq qazaq sezine almaıdy”, “Qaryndasym, sen túgili osynda týǵan biz de ózimizdi qazaq sezinbeımiz”, “Men de О́zbekstannan kóship kelgende shynymen Qazaqstanǵa keldim be dep tań qaldym, bári oryssha sóıleıtin”, “О́te durys aıtady, atameken dep izdep kelesiń, biraq óz ultyńnyń adamdarymen túsinise almaısyń”, — dep jazdy olar.