يرانداعى قازاقستاندىقتاردىڭ كەيبىرى تۇركىمەنستانعا ەۆاكاۋاتسيالاندى

تۇركىمەنستاننىڭ سىرتقى ىستەر مينيسترلىگى قازاقستان, قىرعىزستان, وزبەكستان, تاجىكستان, رۋمىنيا جانە باسقا دا ەلدەردەن 120-عا جۋىق ادام وتكىزۋ بەكەتتەرى ارقىلى تۇرىكمەنستان شەكاراسىنا وتكەنىن مالىمدەدى. بۇل تۋرالى Qandastar.kz اقپارات اگەنتتىگى حابارلايدى.

ۆەدومستۆو وكىلدەرى تاياۋ شىعىستاعى قازىرگى جاعدايعا بايلانىستى شەتەلدىك ديپلوماتتار مەن ولاردىڭ وتباسى مۇشەلەرىنىڭ, سونداي-اق قازىرگى ۋاقىتتا يراندا ورنالاسقان باسقا دا ازاماتتاردىڭ شىعۋىنا ءوز اۋماعىن ۇسىنعانىن حابارلادى.

«بۇگىنگى تاڭدا قازاقستان, قىرعىزستان, وزبەكستان, تاجىكستان, رۋمىنيا جانە باسقا دا ەلدەردەن 120-عا جۋىق ادام وتكىزۋ بەكەتتەرى ارقىلى تۇركىمەنستاننىڭ مەملەكەتتىك شەكاراسىنا وتتى», – دەلىنگەن حابارلامادا.

ولار كولىكپەن, ازىق-ت ۇلىكپەن, قوناقۇيمەن جانە قاجەت زاتتارمەن قامتاماسىز ەتىلگەن. بۇعان قوسا تۇركىمەنستاننىڭ مەملەكەتتىك ورگاندارى شەت مەملەكەتتەردىڭ ديپلوماتيالىق وكىلدىكتەرىمەن جانە حالىقارالىق ۇيىمدارمەن تىعىز ىنتىماقتاستىقتا ەكەنى ايتىلعان.