Irandaǵy qazaqstandyqtardyń keıbiri Túrkimenstanǵa evakaýaııalandy

Túrkimenstannyń syrtqy ister mınıstrligi Qazaqstan, Qyrǵyzstan, О́zbekstan, Tájikstan, Rýmynııa jáne basqa da elderden 120-ǵa jýyq adam ótkizý beketteri arqyly Túrikmenstan shekarasyna ótkenin málimdedi. Bul týraly Qandastar.kz aqparat agenttigi habarlaıdy.

Vedomstvo ókilderi Taıaý Shyǵystaǵy qazirgi jaǵdaıǵa baılanysty sheteldik dıplomattar men olardyń otbasy músheleriniń, sondaı-aq qazirgi ýaqytta Iranda ornalasqan basqa da azamattardyń shyǵýyna óz aýmaǵyn usynǵanyn habarlady.

«Búgingi tańda Qazaqstan, Qyrǵyzstan, О́zbekstan, Tájikstan, Rýmynııa jáne basqa da elderden 120-ǵa jýyq adam ótkizý beketteri arqyly Túrkimenstannyń memlekettik shekarasyna ótti», – delingen habarlamada.

Olar kólikpen, azyq-túlikpen, qonaqúımen jáne qajet zattarmen qamtamasyz etilgen. Buǵan qosa Túrkimenstannyń memlekettik organdary shet memleketterdiń dıplomatııalyq ókildikterimen jáne halyqaralyq uıymdarmen tyǵyz yntymaqtastyqta ekeni aıtylǵan.