جاڭالىقتار
يراننىڭ رۋحاني كوسەمى اۋىسۋى مۇمكىن
يراننىڭ رۋحاني كوسەمى اياتوللا ءالي حامەنەي 25 كۇننەن بەرى حالىق الدىنا شىقپادى. وسى ۋاقىت ىشىندە ول ۆيدەو ارقىلى حالىققا ەكى رەت قانا ۇندەۋ جاسادى, دەپ حابارلايدى Qandastar.kz سايتى BILD-كە سىلتەمە جاساپ.
يراندا اياتوللانىڭ اۋىر سىرقاتى, ءتىپتى ونىڭ ءولىمى تۋرالى ءتۇرلى قاۋەسەت ايتىلىپ جاتىر. ال ساراپشىلار ونى جاي عانا بۋنكەردەن شىقپاي جاتىر دەيدى.
BILD حابارلاۋىنشا, يران باسشىسى يزرايل 13 ماۋسىمدا سوققى جاساي باستاعاننان-اق جەراستى باسپاناسىنا تىعىلعان. قازىر قاتار دەلدالدىعىمەن اتىستى ۋاقىتشا توقتاتۋ كەلىسىمى كۇشىنە ەنىپ وتىر.
«ون ەكى كۇندىك سوعىس ءىس جۇزىندە حامەنەيدەن كەيىنگى ءداۋىردىڭ باستالۋىن بەلگىلەدى. يران قازىردىڭ وزىندە مۇراگەر ىزدەپ جاتىر. حامەنەيدىڭ ءوز قىزمەتىن اتقارۋعا بۇدان بىلاي فيزيكالىق جانە پسيحولوگيالىق مۇمكىندىگى جوق – بۇل سوعىس باسىنان بەرى سولاي ەدى», – دەدى يراندىق ساياساتتانۋشى ءالي فاتحوللا-نەجاد.
