«ىرگەتاسى قۇلاپ, تەرەزە جارىلعان»: اقتوبە وبلىسىندا 30 جىل بۇرىن سالىنعان بالاباقشا اپاتتى جاعدايدا تۇر

فوتو: ۆيدەودان سكرين

اقتوبە وبلىسى تامدى اۋىلىنىڭ تۇرعىندارى مەملەكەتتىك بالاباقشانى اپاتتى دەپ تانۋدى سۇرايدى. وتىز التى جىل بۇرىن سالىنعان عيماراتتىڭ قابىرعاسى جارىلىپ, ىرگەتاسى قۇلاي باستاعان, دەپ جازدى qandastar.kz

 بۇل تۋرالى Stan.kz اقپارات اگەنتتىگى 31-ارنانىڭ “ينفورمبيۋرو” باعدارلاماسىنا سىلتەمە جاساپ حابارلايدى.

ۇل-قىزدارىنىڭ قاۋىپسىزدىگىنە الاڭداعان جۇرت توز-توزى شىققان بوبەكجاي قيراپ, توبەسى وپىرىلىپ تۇسە مە دەپ الاڭدايدى. ولار بالا سانى جىل سايىن كوبەيىپ جاتقان ەلدىمەكەنگە جاڭا ءبىلىم ۇياسىن سالاتىن ۋاقىت جەتتى دەپ وتىر.

عيمارات ءاۋ باستا اۋىلدىق كەڭەستىڭ كەڭسەسى, سوسىن اكىمدىك بولعان. بەرتىن كەلە بالاباقشاعا اينالعان. بىراق تۇرعىندار ەكى قاباتتى نىسان سالىنعالى جوندەۋ جقمىسىن كورمەگەن.

“بىرىنشىدەن, استىنىڭ ىرگەتاسى قۇلاپ جاتىر, شاشىلىپ جاتىر. جوندەۋ كەرەك. تەرەزەنىڭ ءبارى جارىلىپ جاتىر, اعاش تەرەزەلەر بۇرىنعى. بۇل 1989-شى جىلى سالىنعان بالاباقشا. سودان بەرى جوندەۋ كورمەگەن. جىل سايىن قىزدار جوندەۋ جۇمىسىن وتكىزىپ تۇرادى سىلاپ, اقتاپ”, – دەيدى تامدى اۋىلىنىڭ تۇرعىنى مارات ماحامبەتوۆ.

سىز تارقان بولمەلەر كۇز بەن قىستا ازىناپ تۇرادى. سوندىقتان بالالارىمىزدىڭ بوبەكجايعا بارعانىنان گورى اۋرۋحانا تابالدىرىعىن توزدىراتىن كۇندەرى كوبەيدى دەيدى اتا-انالار.

ء“بىر بالام ەمەس, ەكى بالام كەلەدى وسى بالاباقشادا. بالام ءجيى اۋىرادى. قىزىم ءبىرىنشى رەت باردى بىرنەشە اۋرۋحاناعا جاتىپ شىقتىق. بالالار دەگەن برونح بولىپ شىعادى, شىنى كەرەك. عيمارات بەتون, قىستا مۇزداي, جازدا ىستىق. تۇسكى ۋاقىتتا اپايلاردىڭ ءوزى حابارلاسادى. “بالاڭىز جوتەلىپ جاتپاي جاتىر قاقىلداپ” دەپ الىپ كەتەمىن امال جوق”, – دەيدى اۋىل تۇرعىنى.

حالىق قابىرعاسى شوگىپ, ىرگەتاسى سىر بەرگەن عيماراتتى شەنەۋنىكتەر جوندەۋگە اسىقپايدى. ولار بالاباقشانى جوندەۋ ءۇشىن سمەتالىق قۇجات دايىندالعانىن ايتادى. ءتىپتى عيماراتقا قوسىمشا قۇرىلىس سالۋ كوزدەلگەن ەكەن.

“بۇل عيماراتقا قوسىمشا قۇرىلىس جاساۋ كەرەك بولىپ تۇر. سول قۇرىلىستى جاساي وتىرىپ, كۇردەلى جوندەۋ جۇرگىزىلەدى دەپ ءتۇسىندىرىلدى اتا-انالارعا. ەندى قازىر بارلىق قۇجاتتاردى ءبىلىم باسقارماسىنا تاپسىردىق. 2025-ءشى جىلدىڭ باسىندا بيۋدجەت بەكىتىلىپ بولعاننان كەيىن بۇل وبەكت 2025 جىلدىڭ ىشىنە كىرىلمەي تۇر. بىراق 2026 جىلدىڭ تىزىلىمىندە تۇر”, – دەپ مالىمدەدى العا اۋداندىق ءبىلىم ءبولىمى باسشىسىنىڭ مىندەتىن اتقارۋشى گۇلشات بۇركىتالينا.

ءبىلىم بولىمىندەگىلەر قازىنادان قارجى بولىنسە نىسان كەلەسى جىلى جوندەلەدى دەپ سەندىردى. تامدى اۋىلىنداعى جالعىز مەكتەپكە دەيىنگى ءبىلىم بەرۋ مەكەمەسىندە قازىر 50-دەن استام بالا تاربيەلەنەدى.