«Is endi qabyldanǵan»: Qarjy monıtorıngi agenttigi Nurlan Nyǵmatýlınniń ulyna qatysty aryzdy qarap jatyr

Foto: Báıterek holdıng

Almaty qalalyq Ekonomıkalyq tergeý departamenti korporatıvtik reıderlik fakti boıynsha sotqa deıingi tergeý amaldaryn júrgizip jatyr, dep jazdy qandastar.kz

Bul týraly Stan.kz aqparat agenttigi habarlaıdy.

Sáýir aıynyń basynda áleýmettik jelilerde «Báıterek» holdıngi men «QazMunaıGaz-Aero» JShS-niń burynǵy dırektory Nurjan Nurlanovqa qatysty qylmystyq is qozǵalǵany týraly aqparat tarady.

Ishki ister mınıstrligi is Qylmystyq kodekstiń 389-baby (О́zinshe bılik etý) boıynsha tergelip jatqanyn habarlady. Biraq iske qatysy barlardyń aty-jóni jarııalanbady.

Keıin Bas prokýrordyń orynbasary Ǵalymjan Qoıgeldıev parlament májilisiniń burynǵy spıkeri Nurlan Nyǵmatýlınniń ulyna qatysty aryzdar túskenin habarlady. Sondaı-aq istiń qaralyp jatqanyn jetkizdi. Bir kún buryn istiń Almaty qalasy boıynsha Ekonomıkalyq tergeý departamentine tapsyrylǵany belgili boldy.

“Almaty qalasy boıynsha Ekonomıkalyq tergeý departamenti buryn Almaty polıııa departamentinde tirkelgen reıderlik fakti boıynsha sotqa deıingi tergeý júrgizip jatyr”, – delingen Qarjy monıtorıngi agenttiginiń habarlamasynda.

Qazir bul iske qatysty kúdiktiler men basqa da tulǵalardyń resmı túrde anyqtalmaǵany kórsetilgen. Is bir kún buryn, 15 sáýirde qaraýǵa qabyldanǵan.

Eske salaıyq, buǵan deıin otandyq kásipker Qanat Ámirkın Nurlan Nyǵmatýlınniń úlken uly Nurjan Nurlanov ózinen «Alataýdorstroı» kompanııasyn tartyp alyp, odan úlken somada aqsha talap etkenin aıtqan edi. Sóıtip Nurjan Nurlanovtyń ústinen qylmystyq is qozǵalǵan. Degenmen keıinnen onyń reıderlikke qatysy bar kúdikti retinde tanylmaǵany aıtyldy.