ء«ىش كيىمى عانا بار»: التىنبەك تاشىمبەتوۆ ماس كۇيىندە دورەكىلىك تانىتىپ, باسى داۋعا قالدى

فوتو: اشىق دەرەككوز

بەلگىلى ءانشى التىنبەك تاشىمبەتوۆ ىشىمدىك ءىشىپ, تارتىپسىزدىك جاساعانى ءۇشىن زاڭ الدىندا جاۋاپ بەرەدى. بۇل تۋرالى qandastar.kz   Stan.kz اقپارات اگەنتتىگى حابارلايدى.

«Kozachkov offside» Telegram ارناسىندا وقيعا ورنىنان فوتو جاريالاندى. Cۋرەتتە ءانشى التىنبەك تاشىمبەتوۆ ەكەنىن كوپشىلىك بىردەن تانىدى. ونەر يەسى ماس كۇيىندە مەديتسينا قىزمەتكەرلەرىنىڭ جۇمىسىنا كەدەرگى كەلتىرىپ, عيمارات ىشىندەگى جيھازداردى بۇلدىرگەن.

“دۇيسەنبى كۇنى الماتىنىڭ ورتالىق قالالىق كلينيكالىق اۋرۋحاناسىنا دەنەسىندە جاراقات ىزدەرى بار ونەر يەسى جەتكىزىلدى. ونىڭ ۇستىندە تەك ءىش كيىمى عانا بولعان. اسا تانىمال ەمەس ءانشى ءوزىن ۇلكەن جۇلدىز رەتىندە ۇستاپ, قابىلداۋ بولىمىندە جانجال شىعاردى. ول رەسەپشندەگى اينەكتى شاعىپ, مەدبيكەگە دورەكىلىك تانىتقان. اشۋعا بۋلىققان ءانشىنى پوليتسەيلەر توقتاتتى», – دەپ جازىلعان ماتىندە.

پوليتسيا دەپارتامەنتىنىڭ مالىمەتىنشە, ءانشى التىنبەك تاشىمبەتوۆتىڭ اكىمشىلىك قۇقىق بۇزۋشىلىق ءىسى بويىنشا سوتقا كەلەتىنى تۋرالى تۇسىنىكتەمە بەردى.
ونىڭ زاڭسىز ارەكەتى ەكى باپ بويىنشا – قوعامدىق ورىندارعا ماس كۇيىندە كەلۋ (440 اقبتك, ەڭ جوعارى ايىپپۇل – 5 اەك) جانە مەديتسينا قىزمەتكەرلەرىن سىيلاماۋ (80-1-باپتىڭ 2-بولىگى) بويىنشا ايىپ تاعىلدى.

ودان كەيىن ونەر يەسى 10 تاۋلىككە دەيىن اكىمشىلىك قاماۋعا الىنادى.

ەسكە سالايىق, «بارىنە قايرات پەن ارگونيا كىنالى» دەپ التىنبەك تاشىمبەتوۆ انشىلەر تۋرالى جاڭا زاڭعا قاتىستى ءوز ويىن ايتقان ەدى.