جاڭالىقتار
«ىشىمدىك ەمەس, قىمىز ءىشتىم»: Toyota مىنگەن قوستاناي وبلىسىنىڭ باس يمامى بۋرابايداعى تۇنگى كلۋبتا ۇستالدى
فوتوكوللاج: Azattyq Rýhy / ابىلقاسىم ەسەنتاەۆ
قوستاناي وبلىسىنىڭ باس يمامى باحىتبەك تاجىمبەت بۋرابايدا ماس كۇيىندە كولىك جۇرگىزگەن جەرىنەن ۇستالىپ, ون بەس تاۋلىككە قاماۋعا الىندى. اقمولا وبلىستىق سوتىنىڭ ءباسپاسوز قىزمەتى اقپاراتتى راستادى, دەپ حابارلايدى Azattyq Rýhy.
انىقتالعانداي, وقيعا 23 شىلدە كۇنى تۇنگى ساعات ۇشتە بولعان. 777DPA10 ءنومىرلى Toyota Highlander مىنگەن باس يمام بۋراباي̆ كەنتىندەگى تۇنگى كلۋبتىڭ جانىنان ماس كۇيىندە ۇستالدى. سوت وتىرىسىندا تاجىمبەت ىشىمدىك ۇرتتاعانىن مويىنداماعان, قىمىز عانا ءىشتىم دەپ اقتالعان. الايدا مەديتسينالىق كۋالاندىرۋ مەشىت قىزمەتكەرىنىڭ الكوگول ىشكەنىن راستادى.
سوت شەشىمىمەن قوستاناي وبلىسىنىڭ باس يمامى كىنالى دەپ تانىلىپ, جەتى جىلعا كولىك جۇرگىزۋ قۇقىعىنان ايىرىلدى. بۇعان قوسا ول ون بەس تاۋلىگىن تەمىر توردا وتكىزەدى.
«تاجىمبەت باحىتبەك نۇرعابىل ۇلى قر اقبتك-ءنىڭ 608-بابى 1-بولىگىمەن كىنالى دەپ تانىلسىن, وعان وسى باپ بوي̆ىنشا 15 تاۋلىككە قاماققا الۋ جانە 7 جىلعا كولىك باسقارۋ قۇقىعىنان اي̆ىرۋ جازاسى تاعاي̆ىندالسىن», – دەلىنگەن سوت قاۋلىسىندا.
ماس بولعانىنا قاراماستان كولىك رولىنە وتىرعان قوستانايلىق باس يمام تۋرالى قازاقستان مۇسىلماندارى ءدىني باسقارماسىنان دا سۇرادىق. الايدا ءمۇفتياتتىڭ ءباسپاسوز قىزمەتىنەن ءالى جاۋاپ جوق. كۇتە تۇرىڭىزدار دەپ ءوتىندى. ەسەسىنە قمدب رەسمي سايتىنداعى «وبلىس باس يمامدارى» دەگەن بولىمنەن قوستاناي وبلىسىنىڭ باس يمامى باحىتبەك تاجىمبەت تۋرالى اقپاراتتى ءوشىرىپ ۇلگەرگەن. 20 ءوڭىردىڭ 19-ى بويىنشا عانا مالىمەت بار.
