«Ishimdik emes, qymyz ishtim»: Toyota mingen Qostanaı oblysynyń bas ımamy Býrabaıdaǵy túngi klýbta ustaldy

Fotokollaj: Azattyq Rýhy / Ábilqasym Esentaev

Qostanaı oblysynyń bas ımamy Bahytbek Tájimbet Býrabaıda mas kúıinde kólik júrgizgen jerinen ustalyp, on bes táýlikke qamaýǵa alyndy. Aqmola oblystyq sotynyń baspasóz qyzmeti aqparatty rastady, dep habarlaıdy Azattyq Rýhy.

Anyqtalǵandaı, oqıǵa 23 shilde kúni túngi saǵat úshte bolǵan. 777DPA10 nómirli Toyota Highlander mingen bas ımam Býrabaı̆ kentindegi túngi klýbtyń janynan mas kúıinde ustaldy. Sot otyrysynda Tájimbet ishimdik urttaǵanyn moıyndamaǵan, qymyz ǵana ishtim dep aqtalǵan. Alaıda medıınalyq kýálandyrý meshit qyzmetkeriniń alkogol ishkenin rastady.

Sot sheshimimen Qostanaı oblysynyń bas ımamy kináli dep tanylyp, jeti jylǵa kólik júrgizý quqyǵynan aıyryldy. Buǵan qosa ol on bes táýligin temir torda ótkizedi.

«Tájimbet Bahytbek Nurǵabyluly QR ÁQBtK-niń 608-baby 1-bóligimen kináli dep tanylsyn, oǵan osy bap boı̆ynsha 15 táýlikke qamaqqa alý jáne 7 jylǵa kólik basqarý quqyǵynan aı̆yrý jazasy taǵaı̆yndalsyn», – delingen sot qaýlysynda.

Mas bolǵanyna qaramastan kólik róline otyrǵan qostanaılyq bas ımam týraly Qazaqstan musylmandary dinı basqarmasynan da suradyq. Alaıda múftııattyń baspasóz qyzmetinen áli jaýap joq. Kúte turyńyzdar dep ótindi. Esesine QMDB resmı saıtyndaǵy «Oblys Bas ımamdary» degen bólimnen Qostanaı oblysynyń bas ımamy Bahytbek Tájimbet týraly aqparatty óshirip úlgergen. 20 óńirdiń 19-y boıynsha ǵana málimet bar.