Ishinde qazaqstandyqtar bar: Reseı mıgranttardyń armııada qyzmet etý merzimin uzartpaq

Foto: inbusiness.kz

Qazirgi ýaqytta Reseı jasy 18 ben 30 aralyǵyndaǵy azamattardy áskerge shaqyrady. 2023 jyldyń qańtar-qazan aılarynda 318 myńnan astam sheteldik Reseı azamattyǵyn alǵan. Olardyń kópshiligi – Tájikstan, Armenııa, Qazaqstan, Qyrǵyzstan, О́zbekstan jáne Ázirbaıjannan kelgender. Degenmen, soǵys bastalǵaly Reseı tólqujatyna degen suranys postkeńestik eki memleket – Tájikstan men Qyrǵyzstan azamattary tarapynan ǵana artqan, – dep habarlaıdy qandastar.kz atamekenbusiness_qaz telegram arnasyna silteme jasap. 

Kórshi el 2022 jyldyń kúzinen bastap soǵysqa mıgranttardy belsendi túrde tartýda. Bastapqyda onymen «kompanııaǵa qaraýyl kerek» degen jeleýmen «Vagner» aınalysqan. Keıin telefon soqqandardyń birazy maıdanǵa attanǵany belgili boldy.

Endi Memlekettik Dýma azamattyq alǵan adamdardyń Reseı armııasynda qyzmet etý merzimin eki jylǵa deıin ulǵaıtýdy usyndy. Mıgranttar úshin áskerge shaqyrý jasyn 45 nemese 50 jasqa deıin kóterý de kózdelgen. Sol úshin tólqujat alý kezinde birden áskerge tirkeý bastalady. Qoldanystaǵy zańǵa 5 tamyzǵa deıin ózgertý engizý josparlanǵan.