Ishki ister mınıstrligi eskort qyzmetin usynatyn Kyzdar.net saıtynyń nelikten jabylmaǵanyn túsindirdi

Foto: ashyq derekkóz

Ishki ister mınıstrligi eskort qyzmetin usynatyn Kyzdar.net saıtynyń nelikten jabylmaǵanyna qatysty suraqqa jaýap berdi. Bul týraly Stan.kz aqparat agenttigi habarlaıdy.

Mınıstrlik málimetinshe, «buqaralyq aqparat quraldary týraly» zańǵa sáıkes ınternet-resýrstar buqaralyq aqparat quraldaryna jatady, al BAQ salasyndaǵy ýákiletti memlekettik organ mádenıet jáne aqparat mınıstrligi. Tıisinshe, ınternet keńistigindegi ártúrli tyıym salynǵan jáne zańsyz kontenti buǵattaý tikeleı mádenıet jáne aqparat mınıstrliginiń quzyretine kiredi.

«Bul ınternet-resýrs amerıkandyq ınternet-provaıderlerge tıesili hostıng qyzmetterinde ornalastyrylǵan. Mysaly, búgin Kyzdar.net saıty buǵattalǵanymen, erteń Kyzdar2.net, Kyzdar4.net jáne t.b. siltemeler jumys isteı beredi», – delingen habarlamada.

Sondaı-aq saıttyń jumysyn basqarǵan 11 kúdiktige qatysty is tergeý organdarynda sol kezdegi zańnamada olqylyqtarǵa baılanysty toqtatylǵan, atap aıtqanda, ol kezde zańda «telekommýnıkaııalyq jelilerdi, ınternetti paıdalaný arqyly jezókshelikti nasıhattaý jáne jarnamalaý» degen uǵym bolmaǵan.

Ishki ister mınıstrligi bul másele tek Qazaqstanda ǵana emes, basqa elderde de bar ekenin atap ótti. Olardyń aıtýynsha, qazir “onlaın-jeńgetaılyq” keń taraǵan qylmystyń jańa túrleriniń biri.

Qoldanystaǵy tájirıbe men problemalyq máselelerdi eskere otyryp, 5 qyrkúıekte kúshine engen qylmystyq kodekske tıisti túzetýler engizilgen.

Eske salsaq, buǵan deıin Kyzdar.net saıtynyń top-menedjerleri men kómekshileri ustalǵany týraly jazǵan edik.