Ishki ister mınıstrligi mańyzdy habarlandyrý jasady

Foto: gov.kz

IIM esirtki qylmysyna qarsy is-qımyl komıteti azamattarǵa úndeý jasady,  dep habarlaıdy qandastar.kz

– Qurmetti azamattar! Jańa túrdegi esirtki qaýipteriniń tez taralýy men jastardy zańsyz esirtki aınalymyna tartýda ıfrlyq arnalardyń qoldanylýyna baılanysty biz qoǵam retinde balalarymyzdy, jaqyndarymyzdy jáne elimizdiń bolashaǵyn qorǵaý úshin kúshimizdi biriktirýimiz qajet.

IIM esirtki qylmysyna qarsy is-qımyl komıteti esirtki qylmystaryn, ásirese kámeletke tolmaǵandardy tartý jaǵdaılaryn anyqtaý, jolyn kesý jáne aldyn alý baǵytynda bar kúsh-jigerin salyp jumys júrgizýde. Alaıda bul máseleni tek quqyq qorǵaý organdarynyń kúshimen sheshý múmkin emes.

Sizderdi beı-jaı qalmaýǵa shaqyramyz. Balalar men jasóspirimderdiń minez-qulqyndaǵy ózgeristerge nazar aýdaryńyzdar. Zańsyz satý boıynsha kúdik týdyratyn ınternet-resýrstarǵa, graffıtı men kodtary bar jarnamalarǵa mán berińizder.