Ishki ister mınıstrliginde keńeıtilgen alqa otyrysy ótti

Foto: polıııa

Barlyq óńirlik bólinis basshylarynyń qatysýymen IIM alqasynyń otyrysy ótti. Jıynda I toqsannyń jumysy qorytyndylanyp, aldaǵy kezeńge basym mindetter aıqyndaldy, dep habarlady qandastar.kz

Vedomstvo Memleket basshysynyń tapsyrmasy boıynsha qoǵamda «Zań men Tártip» qaǵıdatyn nyǵaıtýdy jalǵastyrýda. 2025 jyl Ishki ister organdarynda profılaktıka jyly bolyp jarııalandy.

«Qabyldanǵan sharalardyń nátıjesinde qylmystar sany 13%-ǵa azaıdy, onyń ishinde kisi óltirý, densaýlyqqa aýyr zııan keltirý, urlyq, tonaý, qaraqshylyq jáne buzaqylyq sany tómendedi. Qoǵamdyq oryndarda jáne kóshelerde jasalǵan quqyq buzýshylyqtar azaıdy», — dep jazdy Ishki ister mınıstri Erjan Sadenov.

Úsh tonnadan astam esirtki tárkilenip, 69 esirtki zerthanasy joıyldy.

Mal urlyǵyna qarsy is-qımyl — vedomstvonyń negizgi mindetteriniń biri. Qylmystyń osy túriniń aldyn alýǵa, ashýǵa jáne jolyn kesýge baǵyttalǵan keshendi sharalar qabyldanýda. Nátıjesinde sońǵy bes jylda Qazaqstanda mal urlyǵynyń sany turaqty túrde tómendep keledi, onyń ishinde jyl basynan beri 26%-ǵa azaıdy.

Mınıstr erekshe nazar aýdarýdy qajet etetin baǵyttardy da atap ótti.

«Anyqtalǵan ınternet-alaıaqtyq faktileriniń ósýi tirkeldi — 5,5 myńnan astam derek. Bul polıııanyń belsendi analıtıkalyq jáne jedel jumysynyń da nátıjesi. Qylmystyq shemalarda paıdalanylǵan 14 myń ınternet-resýrs jáne 15 myńnan astam banktik shot buǵattaldy.

Keıbir jasóspirimderdiń sebepsiz agressııa belgileri bar quqyqqa qaıshy áreketterin de beı-jaı qaldyrýǵa bolmaıdy. Osyǵan baılanysty jastarmen júrgiziletin profılaktıkalyq sharalardy kúsheıtip, bilim berý mekemelerimen jáne ata-analarmen ózara tyǵyz is-qımyldy qolǵa alýdy tapsyrdym», — dedi Erjan Sadenov.

Jol-kólik oqıǵalary da alańdaýshylyq týdyrady. Úsh aıda alty myńnan astam apat bolǵan. Bul rette qaza tapqandardyń sany 4%-ǵa tómendegen.

«Jol qozǵalysyna qatysýshylardyń tártibi men quqyqtyq sanasyn arttyrýǵa baǵyttalǵan  sharalardy jergilikti atqarýshy organdar men jurtshylyqty belsendi tarta otyryp, aldyn alý jumystaryn kúsheıtý mindeti qoıyldy. Tek birlesip qana biz jaǵdaıdy ózgerte alamyz», — dedi mınıstr.

Sondaı-aq IIM basshysy óńirlik departament bastyqtaryna:

• ıfrlyq tehnologııalar men beınebaqylaý múmkindikterin belsendi paıdalanýdy;
• Barlyq aýdandyq bólinisterde jedel basqarý ortalyqtaryn qurýdy jalǵastyrýdy;
• Qylmystardy, onyń ishinde buryn jasalǵandardy ashý sapasyn kúsheıtýdi;
• Jeke quram arasynda zań men tártipke erekshe nazar aýdarýdy tapsyrdy.