«ىشپەيمىن, شەكپەيمىن, وڭدى-سولدى جۇرمەيمىن». اننا دانچەنكو قانداي ءومىر سالتىن ۇستاناتىنىن ايتتى

فوتو: اشىق دەرەككوز

تانىمال تەلەجۇرگىزۋشى, جۋرناليست اننا دانچەنكو الەۋمەتتىك جەلىدە قانداي ءومىر سالتىن ۇستاناتىنى تۋرالى ايتتى, – دەپ حابارلايدى Massaget.kz ءتىلشىسى.

الەۋمەتتىك جەلىدە اننا دانچەنكوعا وقىرمانى «تەمەكى شەگەسىز بە?» دەگەن سۇراق قويعان. جۋرناليست «ىشپەيمىن! شەكپەيمىن! وڭدى-سولدى جۇرمەيمىن! بىراق بۇل سىزدەرگە ءمىنسىز بولىپ كورىنۋ ءۇشىن ەمەس! مەن ءوزىن-ءوزى جاساعان اداممىن! مەن كادر سىرتىندا دا, كادردا دا قالاي بارمىن, سولاي جۇرەمىن. بۇل مەنىڭ تاربيەم مەن تاڭداۋىم!», – دەپ جاۋاپ بەردى.

ەشكىمدى ءمىنسىز دەپ ويلاۋدىڭ قاجەتى جوق ەكەنىن ايتقان اننا دانچەنكو: «ەگەر مەن سىزگە ۇنامايتىن بىرنارسە جاساسام دا, بۇل – مەنىڭ تاڭداۋىم. تىرىسقانىم ءۇشىن جاراتقان ماعان سىي بەرەدى, قاتەلىگىم ءۇشىن دە مەنى ايىپتايتىن ءسىز ەمەسسىز!», – دەپ جازدى.

جاۋابىنىڭ سوڭىن ءسال جۇمسارتىپ, ازىلگە اينالدىرعان جۋرناليست «مەن دە اداممىن. مىسالى ەكى اي ۇستانىپ جۇرگەنىمە قاراماستان دۇرىس تاماقتانۋ جۇيەسىن بۇزدىم, بالمۇزداق پەن ءتاتتى بالىشتەردى جاقسى كورەتىن اداممىن», – دەپ كۇلدى.