«Ishpeımin, shekpeımin, ońdy-soldy júrmeımin». Anna Danchenko qandaı ómir saltyn ustanatynyn aıtty

Foto: ashyq derekkóz

Tanymal telejúrgizýshi, jýrnalıst Anna Danchenko áleýmettik jelide qandaı ómir saltyn ustanatyny týraly aıtty, – dep habarlaıdy Massaget.kz tilshisi.

Áleýmettik jelide Anna Danchenkoǵa oqyrmany «Temeki shegesiz be?» degen suraq qoıǵan. Jýrnalıst «Ishpeımin! Shekpeımin! Ońdy-soldy júrmeımin! Biraq bul sizderge minsiz bolyp kóriný úshin emes! Men ózin-ózi jasaǵan adammyn! Men kadr syrtynda da, kadrda da qalaı barmyn, solaı júremin. Bul meniń tárbıem men tańdaýym!», – dep jaýap berdi.

Eshkimdi minsiz dep oılaýdyń qajeti joq ekenin aıtqan Anna Danchenko: «Eger men sizge unamaıtyn birnárse jasasam da, bul – meniń tańdaýym. Tyrysqanym úshin Jaratqan maǵan syı beredi, qateligim úshin de meni aıyptaıtyn siz emessiz!», – dep jazdy.

Jaýabynyń sońyn sál jumsartyp, ázilge aınaldyrǵan jýrnalıst «Men de adammyn. Mysaly eki aı ustanyp júrgenime qaramastan durys tamaqtaný júıesin buzdym, balmuzdaq pen tátti bálishterdi jaqsy kóretin adammyn», – dep kúldi.