Islam damý banki Qazaqstandaǵy ınfraqurylymdyq jobalardy qoldaýǵa shamamen $2 mlrd bóledi

Foto: QR Premer-Mınıstriniń resmı aqparattyq resýrsy

OPEC halyqaralyq damý qory uıymdastyrǵan forýmda Qazaqstan Respýblıkasy Premer-Mınıstriniń orynbasary – ulttyq ekonomıka mınıstri Nurlan Baıbazarov Arab koordınaııalyq tobyna kiretin ıslam damý ınstıtýttarymen birqatar ekijaqty kezdesýler ótkizdi. Sondaı-aq, Qazaqstan Respýblıkasynyń Úkimeti men Islam damý banki arasyndaǵy negizdemelik baǵdarlamalyq kelisimge qol qoıdy,- dep habarlaıdy qandastar.kz tilshisi QR Premer-Mınıstriniń resmı aqparattyq resýrsyna silteme jasap.

Kelisim bıyl sý sharýashylyǵy jáne kólik salalaryndaǵy ınfraqurylymdyq jobalardy júzege asyrý úshin uzaqmerzimdi ınvestıııalar tartý týraly buǵan deıin qol jetkizilgen kelisimderdi bekitti. Osy maqsatta Islam damý banki $2 mlrd deıin qarjy bóledi.

Sý resýrstary jáne ırrıgaııa mınıstrligi bıyl qarjylandyrýǵa daıyn 16 jobany daıyndady. Olardyń ishinde sý qoımalaryn, bógetterdi, ırrıgaııalyq kanaldardy, kontrretteýshilerdi jáne ilespe ınfraqurylymdy salý jáne rekonstrýkııalaý jobalary bar. Kólik mınıstrligi uzyndyǵy 500 shaqyrymnan astam respýblıkalyq mańyzy bar avtojoldardy rekonstrýkııalaý jáne salý boıynsha 4 jobany usyndy.

Kelisim tabysty iske asyrý jáne alǵa qoıylǵan maqsattarǵa qol jetkizý úshin birlesken jobalardyń oryndalý barysyna turaqty konsýltaııalar men monıtorıng júrgizýdi kózdeıdi.