ءىستى بولعان ابىلاي مىرزاحمەتوۆ سوتقا قانداي وتىنىشپەن جۇگىنگەن?

فوتو: ازاتتىق راديوسى

ابىلاي مىرزاحمەتوۆ مەرزىمىنەن بۇرىن بوساتۋدى سۇرادى, دەپ جازادى qandastar.kz

بيىل 2 مامىردا سوتقا سوتتالۋشىدان شارتتى تۇردە مەرزىمىنەن بۇرىن بوساتۋ تۋرالى ءوتىنىش تۇسكەن.

«بۇل ءوتىنىش ءالى قارالعان جوق», — دەدى پاۆلودار وبلىستىق سوتىنىڭ ءباسپاسوز قىزمەتى وكىلى.

ايتا كەتەيىك, ابىلاي مىرزاحمەتوۆ پاۆلودار وبلىسىنداعى № 46 تۇزەۋ مەكەمەسىندە جازاسىن وتەپ جاتىر.

بىلتىر «اتامەكەن» ۇلتتىق كاسىپكەرلەر پالاتاسى باسقارماسىنىڭ ەكس-توراعاسى ابىلاي مىرزاحمەتوۆكە سوت ۇكىمى شىققان.

استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا اسا ءىرى مولشەردە الاياقتىق جاساعانى ءۇشىن ابىلاي مىرزاحمەتوۆكە قاتىستى قىلمىستىق ءىس قارالدى (قك 190-بابى  4-بولىگىنىڭ 2) تارماعى).

سوت ۇكىمىمەن ا.مىرزاحمەتوۆ اسا ءىرى مولشەردە الاياقتىق جاساعانى ءۇشىن كىنالى دەپ تانىلىپ, جەرگىلىكتى ءوزىن-ءوزى باسقارۋ ورگاندارىندا جانە كۆازيمەملەكەتتىك سەكتور سۋبەكتىلەرىندە 10 جىل مەرزىمگە قىزمەت اتقارۋ قۇقىعىنان ايىرىلا وتىرىپ, مەملەكەت كىرىسىنە قىلمىستىق جولمەن الىنعان 5,8 ملرد. تەڭگە سوماسىندا اقشا قاراجاتى تاركىلەنىپ, 5 جىلعا باس بوستاندىعىنان ايىرىلدى.