Isti bolǵan Abylaı Myrzahmetov sotqa qandaı ótinishpen júgingen?

Foto: Azattyq radıosy

Abylaı Myrzahmetov merziminen buryn bosatýdy surady, dep jazady qandastar.kz

Bıyl 2 mamyrda sotqa sottalýshydan shartty túrde merziminen buryn bosatý týraly ótinish túsken.

«Bul ótinish áli qaralǵan joq», — dedi Pavlodar oblystyq sotynyń baspasóz qyzmeti ókili.

Aıta keteıik, Abylaı Myrzahmetov Pavlodar oblysyndaǵy № 46 túzeý mekemesinde jazasyn ótep jatyr.

Byltyr «Atameken» Ulttyq kásipkerler palatasy basqarmasynyń eks-tóraǵasy Abylaı Myrzahmetovke sot úkimi shyqqan.

Astana qalasynyń qylmystyq ister jónindegi mamandandyrylǵan aýdanaralyq sotynda asa iri mólsherde alaıaqtyq jasaǵany úshin Abylaı Myrzahmetovke qatysty qylmystyq is qaraldy (QK 190-baby  4-bóliginiń 2) tarmaǵy).

Sot úkimimen A.Myrzahmetov asa iri mólsherde alaıaqtyq jasaǵany úshin kináli dep tanylyp, jergilikti ózin-ózi basqarý organdarynda jáne kvazımemlekettik sektor sýbektilerinde 10 jyl merzimge qyzmet atqarý quqyǵynan aıyryla otyryp, memleket kirisine qylmystyq jolmen alynǵan 5,8 mlrd. teńge somasynda aqsha qarajaty tárkilenip, 5 jylǵa bas bostandyǵynan aıyryldy.